Хаартыска: А.Сорокин (СИА)
Ил Дархан Айсен Николаев АЛРОСА генеральнай дириэктэрэ-бырабылыанньа бэрэссэдээтэлэ Павел Маринычевы кытары оробуочай көрсүһүүтэ буолла.
Көрсүһүүгэ хампаанньа бу сыл икки ыйыгар үлэтин түмүктэрин уонна кыбаарталлааҕы, сыллааҕы сабаҕалааһыннары дьүүллэстилэр.
Павел Маринычев хампаанньа сүрүн көрдөрүүлэри барытын толорорун туһунан иһитиннэрдэ.
«Хампаанньа алмаас аан дойдутааҕы ырыынагар кириисис көстүүлэригэр быйыл эмиэ бэлэмнэммитэ”, — диэн Павел Маринычев бэлиэтээтэ.
Көрсүһүүгэ ону тэҥэ минеральнай-сырьевой баазаҕа чугастааҕы былааннары ырытыстылар. 2024 сыл АЛРОСА-ҕа инвестицияҕа дьоһуннаах быһаарыныылар сылларынан буолуоҕа. Хампаанньа алмааһы сир аннынан хостооһун ньыматыгар көһүөн наада уонна оннук быһаарыныыны хайыы үйэ билигин ылыныахха наада. Ону таһынан инникитин минеральнай-сырье баазата баар буоларын туһугар кыра баайдаах сирдэри хаһаайыстыбаннай эргитиигэ тардыллыахтаах.
Айсен Николаев кэпсэтии кэмигэр, үгэс курдук, АЛРОСА социальнай былааннарыгар уонна хампаанньа үлэлиир сирдэригэр олохтоох дьаһалтаны кытары хардарыта үлэлээһин боппуруостарыгар болҕомтотун уурда.
Павел Маринычев, АЛРОСА мэлдьи социальнай хайысхалаах хампаанньа буоларын бэлиэтээн туран, бу хайысхаҕа тэрилтэ бэлиитикэтэ өссө күүһүрүөҕүн туһунан эттэ.
(СӨ Ил Дарханын уонна бырабыыталыстыбатын пресс-сулууспатын матырыйаалынан)
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…