АЛРОСА ойуур баһаарын умуруорарга көмөҕө бөртөлүөтү ыытта

АЛРОСА авиа-хампаанньа Сунтаар улууһугар ойуур баһаарын умуруорарга МИ-8Т бөртөлүөтү ыытта.

«АЛРОСА авиа-хампаанньа араас истиэпэннээх баһаардары умуруорарга улахан уопуттаах. Хампаанньа экипажтара уонна бөртөлүөттэрэ сыл аайы баһаар кутталлаах кэмигэр эрэгийиэн оройуоннарыгар дьуһуурустубалыыллар. Сунтаар улууһугар уоту утары охсуһарга АЛРОСА ыыппыт Ми-8Т бөртөлүөтэ десаны түһэрэр, ууну ыытар уо.д.а. анал тэриллэрдээх», – диэн авиа-хампаанньа производственнай-диспетчер сулууспатын начаалынньыга Игорь Шепырев быһаарда.

Саха сиригэр ааспыт өрөбүллэргэ авиационнай уонна космическай мониторинг түмүгүнэн, 291 иэннээх 34 ойуур баһаара баара бэлиэтэммитэ.