До выборов президента РФ
00 дней
:
00 часов
:
00 минут
:
00 секунд
АЛРОСА Онуфриевтар ипотекаларын сабыаҕа

АЛРОСА Онуфриевтар ипотекаларын сабыаҕа

06.07.2023, 17:23
Хаартыска: Ил Дархан, бырабыыталыстыба дьаһалтатын пресс-сулууспата
Бөлөххө киир:

Туймаада ыһыаҕар Ил Дархан Айсен Николаев өрөспүүбүлүкэ нэһилиэнньэтэ 1 мөлүйүөн киһи буолбутун туһунан үөрүүлээх сонуну иһитиннэрбитэ. Мөлүйүөн ахсааннаах кыыс Мииринэй оройуонугар олорор Арина, Гаврил Онуфриевтар дьиэ кэргэттэригэр иккис оҕонон төрөөбүтэ.

Хаартыска: Ил Дархан, бырабыыталыстыба дьаһалтатын пресс-сулууспата

Саҥа төрөөбүт кыыска СӨ бырабыыталыстыбатын аатыттан «Алмаасэргиэнбаан» 1 мөлүйүөн солк. сэртипикээти анаабыта, ону тэҥэ, дьиэ кэргэҥҥэ «100 сыл оҕолоро» хапытаалы туттарбыттара. Бу кылааты «Билии» диэн ааттаан, кэлин үөрэххэ туһанарга анаабыттара. Онуфриевтар кэтэһиилээх кыыстарыгар Ийэ хапытаалын эмиэ ылан туһаныахтаахтар.

Бу күннэргэ өссө биир үөрүүлээх сонун кэллэ. Төрөппүттэрэ үлэлиир тэрилтэлэрэ – АЛРОСА ипотекаларын кирэдьиитин толору сабар туһунан быһаарыы ылынна. Онон 2,6 мөлүйүөн солк. биэрдэхтэринэ, Онуфриевтар ипотекалара толору сабыллар.

Бу биһиги өрөспүүбүлүкэбитигэр улахан суолталаах түгэн. Саха сирин мөлүйүөн ахсааннаах олохтооҕун төрөппүттэринэн биһиги үлэһиттэрбит буолбуттарынан киэн туттабыт. Онон кинилэри өйүүр туһунан быһаарыы ылынныбыт. АЛРОСА Кэтээн көрөр сэбиэтин салалтатыгар киирэр Ил Дархан Айсен Николаев этиитинэн, туох да иэһэ-күүһэ суох оҕолорун ииттиннэр диэн Онуфриевтар дьиэ кэргэттэригэр 2,6 мөл. солк. төлүүр туһунан быһаарынныбыт. Кыысчаан төрөппүттэрин курдук дьоһун киһи буола улаатыа уонна биһиги хампаанньабытыгар үлэлии кэлиэ диэн эрэнэбит, — диэн АЛРОСА генеральнай дириэктэрэ Павел Маринычев эттэ.

АЛРОСА бэйэтин үлэһиттэрин, ордук элбэх оҕолоох ыаллар олорор усулуобуйаларын тупсарарга элбэх чэпчэтиилэрдээх. 35 саастарын туола илик эдэр исписэлиистэргэ, элбэх оҕолоох ыалларга уонна ыҥырыллан кэлбит үрдүк квалификациялаах үлэһиттэргэ дьиэ куортамныыр ороскуоттарын толуйаллар. Ону тэҥэ, ипотекаҕа бырыһыаннарын төнүннэрэллэр.

Ол курдук 2022 сылга 1637 үлэһиккэ көмөлөспүттэрэ. Маны таһынан, АЛРОСА көмөтүнэн Мииринэй орйуонун 45 эдэр ыала дьиэ ыларга, туттарга социальнай көмөнү ылбыттара.

Онуфриевтар Мииринэй куоракка кыбартыыра атыылаһалларыгар кирэдьиити 15 сылга ылбыттара. Төрөппүттэрин үөрүүлэрэ үгүс. 4,1 киилэ ыйааһыннаах, 56 см уһуннаах саҥа төрөөбүт оҕону сайын кыыһа Сайыына диэн ааттаатылар. Онуфриевтар бу үөрүүлээх сонуну тэлэбиисэринэн ыһыаҕы көрө олорон, Ил Дархан этиититтэн истэн, олус соһуйбуттар. Өрөспүүбүлүкэ араас муннуктарыттан элбэх эҕэрдэ киирбит.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 февраля
  • -35°C
  • Ощущается: -35°Влажность: 68% Скорость ветра: 0 м/с

Сообщить об опечатке

Текст, который будет отправлен нашим редакторам: