Хаартыска: АЛРОСА пресс-сулууспата
АЛРОСА Экологияҕа киинэ иһитиннэрбитинэн, хампаанньа быйыл «Уус Буотама» уонна «Тыымпынай» питомниктарга ойуур бизоннарын көрүү-истии усулуобуйатын хааччыйарга 3,5 мөлүйүөн солкуобайы ыытыаҕа.
Питомниктары үбүнэн өйөөһүн тус сыаллаах саҥа дуогабар чэрчитинэн көрүлүннэ. Дуогабар АЛРОСА уонна Биология ресурсаларын, Саха сирин ураты харыстанар сирдэрин уонна айылҕа пааркаларын дириэксийэтин икки ардыларыгар түһэрсилиннэ. Үп «2024-2025 сылларга «Уус Буотама» уонна «Тыымпынай» ойуур бизоннарын питомниктарын вольернай хаһаайыстыбатын саҥардыы» экология бырайыагын өйөбүлүгэр бэриллиэҕэ.
Ол курдук, быйыл бизоннар сылдьар сирдэрин кэҥэтэр уонна ууһуулларыгар-тэнийэллэригэр сөптөөх усулуобуйаны оҥорор туһугар питомниктар сүрүн эбийиэктэрин өрөмүөннээһин уонна саҥардыы былааннанар.
Бырайыак кыыл-сүөл бу дьикти көрүҥүн харыстыырга улахан суолталаах. Тоҕо диэтэххэ, ойуур бизона аан дойдуга үүтүүнэн иитээччилэртэн биирдэстэрэ уонна букатыннаахтык сүтэр кутталлаах. Питомниктары сайыннарыы уонна кинилэр тэнийэллэригэр сөптөөх усулуобуйаны оҥоруу бизоннар ахсааннарын элбэтэргэ уонна кэлэр көлүөнэҕэ хаалларарга туһалыаҕа.
АЛРОСА айылҕа харыстабылыгар уонна кыыллар көрүҥнэрин элбэтиигэ бырайыагы олоххо киллэрэргэ дьоһуннаахтык бииргэ үлэлэһэр. Бу дуогабар тулалыыр эйгэ туруктаахтык сайдарыгар уонна харыстабылыгар дьулуһууну туоһулуур.
АЛРОСА пресс-сулууспата
Бу күннэргэ ыарыым тииһигэ киирэн, хаан анаалыстарын, ол иһигэр, хас да көрүҥнээх УЗИ-ны ааһан, дьэ…
Арассыыйаҕа сотору кэминэн 1 мөл.солк. тахса сыаналаах дьиэни кумааҕы харчынан атыылаһыы бобуллуох курдук. Сокуон барыла…
Бүтүн Арассыыйатааҕы бэрэбиэркэлиир үлэни оскуолаларга түмүктүүр хонтуруолунай үлэ быһыытынан оҥоруохтарын сөп. Рособрнадзор ити курдук этииини…
Билиҥҥи кэмҥэ дьон тэлгэһэлэригэр саха балаҕанын хото туттар буоллулар. Куорат сиргэ даачаларыгар тутталлар, сайын тахсан…
Муус устар 24-ыам ыйын 9 күннэригэр Саха сиригэр “Георгиевскай лиэнтэ” Бүтүн Арассыыйатааҕы аахсыйа ыытыллар. Лиэнтэлэри…
Биһиги ийэбит РСФСР Үөрэҕириитин туйгуна, «Учууталлар учууталлара» бэлиэнэн биһирэммит үлэлээх, педагогическай үлэ бэтэрээнэ, Дьүлэй нэһилиэгин…