Хаартыска: АЛРОСА пресс-киинэ
АЛРОСА экологтара Саха сирин өрүстэригэр уонна күөллэригэр балыктары ыытарга сыллааҕы үлэлэрин саҕалаатылар. Ол эбэтэр АЛРОСА тулалыыр эйгэни харыстааһыҥҥа биир кэлим бырагырааматын чэрчитинэн, уулаах сирдэргэ сыл аайы балыгы ыытар үлэлэрин бастакы түһүмэҕэ саҕаланна.
АЛРОСА эколог-исписэлиистэрэ, Чернышевскайдааҕы балык собуотун үлэһиттэрэ Росрыболовство уонна СӨ Экологияҕа министиэристибэтин судаарыстыбаннай иниспиэктэрдэрин кытары бэс ыйын 13 күнүгэр Үөһээ Бүлүү улууһун Тимир-Күндэ күөлүгэр быраҥаатта 370 тыһыынча ыаматын ыыттылар. Бу — 2023 сылга бастакы ыытыы.
«Быйыл баҕа өттүнэн көҕүлээһин уонна хоромньуну толуйуу дуогабардарын чэрчитинэн, 4 мөлүйүөнтэн тахса балык ыаматын, ол иһигэр сыаналаах боруодалары, ыытыы былааннанар. Быраҥааттаны ордук элбэхтик — бэс ыйыгар, онтон балаҕан ыйыгар Бүлүү өрүһүгэр Сибиир хатыыһын ыытар былааннаахпыт», – диэн АЛРОСА айылҕа харыстабылын уонна Хотугу сир аҕыйах ахсааннаах төрүт норуоттарын кытары үлэҕэ отделын начаалынньыга Алёна Дьяконова иһитиннэрдэ.
Биологическай ресурсалары харыстааһын уонна толоруу – хампаанньа айылҕаны харыстыыр тэрээһиннэрин быстыбат сорҕото. АЛРОСА өрүстэргэ уонна күөллэргэ балыктары олохтуурга сыл аайы 10 мөлүйүөнтэн тахса солкуобайы ыытар.
«Уу ресурсаларыгар сыл аайы балыктары олохтооһун Бүлүү уулаах сирдэригэр быраҥааттаны балыктааһын квотатын 2019 сылтан үс төгүл кэриҥэ улаатыннарарга көмөлөстө. Өлүөнэ өрүс тардыытыгар Сибиир күндүөбэйин тарҕатыы балыктааһын туруктаах буоларыгар көмөлөһөр. Саха сирин биологическай ресурсаларын балык саппааһынан толоруу – өрөспүүбүлүкэҕэ бырамыысыланнас үлэтэ сайдар кэмигэр уу ресурсатыгар тахсар хоромньуну толуйар соҕотох механизм», – диэн СӨ Экологияҕа министиэристибэтин балыктааһыны тэрийиигэ уонна бэрээдэктээһиҥҥэ отделын сүрүн исписэлииһэ Гаврил Иванов эттэ.
2019 сылтан ыамалар ыытыллар уулаах сирдэрин географията кэҥээтэ уонна балык көрүҥүн арааһа элбээтэ. Ону таһынан, АЛРОСА 2022 сыллаахха балык Чернышевскайдааҕы собуотугар чыыры элбэтиигэ садковай ситими оҥорууну үбүлээбитэ. Быйыл собуот кээчэрэ сыаҕын тутарыгар бырайыактыыр-смета докумуонун оҥорорго 15,5 мөлүйүөн солкуобай бэрилиннэ.
АЛРОСА Экологияҕа киинэ
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…