Балаҕан ыйын 21 күнүгэр Криолитозона биологическай кыһалҕаларыгар институтун исписэлиистэрэ хотугу кыыл табалары тутуу уонна кинилэргэ аргыс-моойторуктары иилии үлэтин салҕыыллар. Бу кыыллар олохсуйар сирдэрин, көһөр суолларын уонна ахсааннарын кэтиэххэ наада.
Кинилэргэ чип олордуута Оччугуй-Холомсук “Скалистое” диэн сиригэр ыыттылар. Барыта 10 кыыл табаҕа ЭС-ПАС хампаанньа Квахар передатчиктарын олортулар. Чиптээһин кыыллар турар уонна төрүүр сирдэрин быһаарарга оҥоһулунна. Передатчиктар ону таһынан кыыллар ханна сылдьалларын быһаараллар, кинилэр майгыларын-сигилилэрин туһунан чахчылары биэрэллэр.
Хотугу табалар көһөр кэмнэрэ кэлэринэн уонна “Үөһээ Мууна” технологическай суолга чугаһыылларынан, датчиктар мониториннарын быһыытынан уонна АЛРОСА Удачнайдааҕы Хайа-байытар кэмбинээтин дириэктэрин дьаһалынан, массыына суолларыгар “чуумпурар чаас” биллэриллибитэ. Ол эбэтэр, балаҕан ыйын 30 күнүттэн алтынньы 20 күнүгэр диэри күн аайы 14.00-16.00 уонна 02.00-04.00 чааска диэри.
Бу кэмҥэ тырааныспардары “Үөһээ Мууна” технологическай суолга таһаарыы бобуллар. Ону таһынан хотугу кыыл таба көһүөн сөптөөх миэстэлэрин туһунан суоппардарга иһитиннэрдилэр уонна ыйыы-кэрдии бэрилиннэ.
Суоппардар табалар туораан иһэллэрин көрдөхтөрүнэ, айаннарын бытаардыахтаахтар уонна УГОК эпэрээссийэлэри салайар киинин диспетчерскэй сулууспатын операторыгар биллэриэхтээхтэр.
Санатан эттэххэ, АЛРОСА 2016 сылтан хотугу кыыл таба мониторинын уонна харыстабылын дьаһалларын өйүүр (АЛРОСА Экологияҕа киинин уонна РНА СС Криолитозона биологическай кыһалҕаларыгар институтун икки ардыларыгар уһун кэмҥэ биир үлэлээһин туһунан дуогабар чэрчитинэн). Бу кэм устата АЛРОСА 10 мөлүйүөнтэн тахса солкуобайы ыыппыта. Ону таһынан, СӨ Биология ресурсаларын уонна айылҕа ураты харыстанар сирдэрин дириэксийэтин кытары сөбүлэһии чэрчитинэн, 4 мөлүйүөн суумалаах харчыны хотугу кыыл таба ахсаанын харыстыыр дьаһалларга биэрбитэ.
«Араадьыйа-моойторуктары кыыллар биир кытылтан атын кытылга туоруур кэмнэригэр кэтэрдэллэр. Бу тэриллэр табалары чиптиир кэмҥэ уонна мониторинг кэмигэр ханнык да буортуну аҕалбаттар, табыгастаахтар”, — диэн Экология киинин айылҕа харыстабылын уонна Хотугу сир аҕыйах ахсааннаах төрүт норуоттарын кытары үлэ отделын начаалынньыга Алена Дьяконова быһаарда.
АЛРОСА пресс-сулууспатын матырыйаалынан
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…