Ил Дархан, бырабыыталыстыба пресс-сулууспата.
2024 сылга Саха сиригэр уопсайа 5,4 МВт кыамталаах 6 автоматизированнай гибриднэй энэргэтиичэскэй комплекс тутуллан, үлэҕэ киирдэ. Бу маннык комплекстар биир улууска Өймөкөөн сэлиэнньэтигэр уонна Орто Балаҕан бөһүөлэгэр тутулуннулар. Бу туһунан Тырааныспар, суол хаһаайыстыбатын миниистирэ Владимир Сивцев Өймөкөөн улууһугар бырабыыталыстыба отчуотугар сылдьан, кэпсээтэ.
— 2024 сылга өрөспүүбүлүкэҕэ барыта 11,4 миллиард кВт.ч электро-эниэргийэ оҥоһулунна. Дизельнэй уматыгы кэмчилээһин сылга 1650 туоннаҕа тэҥнэстэ. 911 килэмиэтир уһуннаах элэктэриичэстибэ лииньийэтэ өрөмүөннэннэ. Онон, 2023 сылы кытта тэҥнээтэххэ, элэктэриичэстибэ ситимнэригэр саахал тахсыыта 14%-нан намтаата, — диэн миниистир иһитиннэрдэ.
Өрөспүүбүлүкэҕэ энэргиэтикэ эйгэтигэр 4 бөдөҥ бырайыак саҕаланна. Ол курдук, Ленскэйгэ Новоленскэй ТЭС, Чульмаҥҥа Соҕуруу Саха сиринээҕи ТЭС тутан саҕалаатылар. Нерюнгри уонна Дьокуускай ГРЭС-тэрин саҥардыахтара.
— Бу бырайыактар куорат агломерациятыгар куттала суох буолууну хааччыйыахтара. 2031 сылга диэри Усуйаана улууһун Уус-Куйга бөһүөлэгэр РУ РИТМ-200Н баазатыгар кыра кыамталаах атомнай ыстаансыйа тутуллуоҕа, — диэн Владимир Сивцев эттэ.
Өймөкөөн улууһугар бырабыыталыстыба отчуота бары нэһилиэктэри хабан, түөрт күн устата буолуоҕа.
Ил Дархан, бырабыыталыстыба пресс-сулууспата.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…
Саха Өрөспүүбүлүкэтин Судаарыстыбаннаһын күнүгэр, балаҕан ыйын 27 күнүгэр, 19:00 чаастан Ил Дархан Айсен Николаевы кытта…
Дьокуускайга ПСБ баан Саха Өрөспүүбүлүкэтигэр аан бастаан ыытыллыбыт “ЭтноРан.ЯКУТИЯ 2025” спортивнай-култуурунай сүүрүүнү өйөөн, тэрээһин анал…
ЫБММ пресс-сулууспата иһитиннэрбитинэн, балаҕан ыйын 17 күнүгэр түүн 02:13 ч. баһаарынай-быыһыыр сулууспаҕа Горнай улууһугар Аһыма…