Хаартыска: ааптар тиксэриитэ
Байыаннай дьайыыга Ньурба улууһун Хаҥалас нэһилиэгиттэн эр санаалаах алта бииргэ төрөөбүт бырааттыы Курышевтар барбыттарын истэн (хомойуох иһин, биир уол өлбүтэ), өрөспүүбүлүкэ эрэ буолбакка, Арассыыйаҕа үгүс киһитэ долгуйбута, сөхпүтэ.
Эйэлээх олох туһугар биир сомоҕо буолбут ини-бии Курышевтар ийэлэрэ, Хаҥалас нэһилиэгэр олорор Марина Николаевна Курышева олорор усулуобуйатын тупсарар сыаллаах үлэни Ньурба улууһун дьаһалтата (баһ. А.М.Иннокентьев) бэйэтин илиитигэр ылан, араас көмө оҥоһулла турар.
Бу күннэргэ Марина Николаевнаҕа анаммыт саҥа дьиэ холлоҕоһо тутуллан бүттэ. Аны күһүҥҥэ диэри дьиэ ис үлэтэ бүтэн, саҥа дьиэҕэ кыстыгы көрсүөхтээх. Нэһилиэк баһылыга Серафим Александрович Винокуров урбаанньыт Алексей Макарович Ноттосов тэрилтэтин кытта дуогабардаһан, үс киһини кэпсэтэн үлэ саҕаланна. Тутууга Хаҥалас нэһилиэгиттэн дьиэ тутуутугар улахан уопуттаах Иван Александрович Федоров, ыаллыы Акана нэһилиэгиттэн Николай Барабанскай уонна Николай Ефремов ылсан үлэлэһэ сылдьаллар.
Уһун сылларга эргэ хаарбах дьиэҕэ олорон кэлбит Марина Николаевна саҥа, сырдык дьиэҕэ кыстыырын истэн, олохтоохтор тэҥҥэ үөрэ, барыта этэҥҥэ буоларыгар баҕара хаалаллар.
Мария НИКОЛАЕВА, Ньурба, Хаҥалас.
Бүгүн Үөһээ Бүлүү улууһун Үөдүгэй сэл. биир умнуллубат, бэлиэ күн буолан ааста. Ол курдук Механизаторскай…
Ааспыт сыл муус устар ыйыгар өрөспүүбүлүкэ олохтооҕо дьахтар "Хатас" ТХПК туһаайыытынан икки сир уһаайбатын атыыласпыт.…
Арассыыйа Силиэстийэлиир кэмититэтин бэрэссэдээтэлэ Александр Бастрыкин Томпо оройуонугар эр киһи сүппүтүнэн холуобунай дьыала хаамыытын дакылааттыырга…
Эргэ малы-салы мунньар, кэллиэксийэлиир дьон баар буолар. Сорохтор эргэ миэбэли саҥардаллар, тупсараллар. Ретро-мусуойдары батыһа сылдьан…
Балаҕан ыйын 16 күнүгэр Дьокуускайга «Мозг. Традиция. Мечта» документальнай киинэни көрдөрдүлэр. Бу ураты креативнай бырайыагы…
Былыр сахалар бэс сутукатын хатаран, мэлийэн, үөрэҕэ, хааһыга булкуйан сииллэрэ. Бу өбүгэлэрбит үрүҥ тыыннарын өллөйдөөбүт…