Алта саастаах оҕону ыт ытырбыт

ИДьМ Дьокуускайдааҕы 2-с нүөмэрдээх полиция салаатыгар 6 саастаах кыыһы ыт ытырбытын туһунан  мэдиссиинэ тэрилтэтиттэн суһал иһитиннэрии киирбит.

ИДьМ биллэриллибит сибэдиэнньэнэн, быһылаан Дьокуускай куорат Маяковскай уулуссатын биир дьиэтин таһыгар буолбут. Барыллаан чахчынан, оҕону ыт иһиттэн ытырбыт. Тустаах түгэнинэн полиция бэрэбиэркэ ыытыытын саҕалаабыт.

ИДьМ үлэһиттэрэ оҕолоргутун болҕомтото, хонтуруола суох хаалларымаҥ, бу кинилэр олохторугар уонна доруобуйаларыгар кутталлаах буолуон сөп диэн төрөппүттэргэ туһаайан этэллэр.

Бу туһунан ИДьМ пресс-сулууспата иһитиннэрэр.