Алта сыл устата Саха сиригэр 147 саҥа уопсастыбаннай эйгэни арыйдылар

2019 сылтан 2025 сылга диэри Саха сиригэр дойду Бэрэсидьиэнэ Владимир Путин көҕүлээбит “Олох инфраструктурата” национальнай бырайыагынан “Куорат табыгастаах эйгэтин тэрийии” федеральнай бырагыраама чэрчитинэн 147 уопсастыбаннай эйгэ арылынна.  Итинтэн 46 эбийиэги 2025 сылга киллэрбиттэр.

Ол курдук, Бүлүү өрүс кытыла, Майаҕа “Кыайыы суола” саҥардыллыбыт эйгэ, Томмокко көрөр былаһаакка, Үөһээ Бүлүү Хомустааҕар сквер, Роман Дмитриев кытыла уод.а.

Айсен Николаев Ил Түмэҥҥэ Анал этиитигэр бэлиэтээбитинэн, куораттары уонна тыа сирин нэһилиэнньэлээх пууннарын тупсаран оҥорууга үтүө түмүктэри ситиспиттэр. Быйыл бу үлэ салҕаныаҕа: Томмокко уонна Хаандыгаҕа кытыллары тупсарыахтара, Аллараа Бэстээххэ, Өлүөхүмэҕэ уонна Аммаҕа  пааркалар уонна сквердэр оҥоһуллуохтара.

“2025 сылга Хаандыга уонна Бэрдьигэстээх, Сыымах сэл.  маастар-былааннара торумнаммыттара. 24 нэһилиэнньэлээх пуун маастар-былаана бэлэм буолла. Бу кэлэр кэм мөссүөнэ”, — диэбитэ Айсен Николаев.

Сиһилии: https://www.sakha.gov.ru/news/18282