Хаартыска: minobrnauki.sakha.gov.ru
Биһиги өрөспүүбүлүкэбит төрөөбүт тылы, элбэх тылы тэҥинэн үөрэтиитин, этнокультурнай үөрэҕи тэрийиитин билсэ Алтай Өрөспүүбүлүкэтин дэлэгээссийэтэ уопут атастаһа кэллэ.
Дэлэгээссийэҕэ Алтай Өрөспүүбүлүкэтин үөрэҕин үлэһиттэрин идэлэрин таһымын үрдэтэр уонна тус бэлэмнээһиҥҥэ институтун мэтэдииһэ Чайчина Евгения Валерьевна, Уус Канскай оройуон Уус Мутинскай оскуолатын дириэктэрэ Кыйынова Лариса Васильевна, Улаганскай оройуон оскуолатын дириэктэрэ Конунова Айсура Эдуардовна, Горнай Алтайскай куорат 7-с нүөмэрдээх оскуолатын дириэктэрэ Чендыева Оксана Манзуровна киирэллэр.
Кулун тутар 11-14 күннэригэр уопут атастаһыытын бырагырааматын С.Н. Донской-II аатынан Үөрэҕи сайыннарар уонна идэ таһымын үрдэтэр институт бэлэмнээбит. Бэҕэһээ буолбут “төгүрүк остуолга” институт дириэктэрэ Павлов Нюргун Михайлович гражданскай сомоҕолоһууну олохсутуу быһыытынан тыл эгэлгэтин чөл хаалларыыга уонна сайыннарыыга Саха Өрөспүүбүлүкэтин үөрэххэ судаарыстыбаннай бэлиитикэтин туһунан кэпсээтэ. Институт дириэктэрин бастакы солбуйааччы, тыл билимин хандьыдаата Бугаев Николай Иннокентьевич “Диалог языков: социокультурный мифодизайн” диэн тиэмэҕэ лиэксийэни аахта. Тыл хаапыдыратын преподавателлэрэ Ядрихинская Февронья Васильевна уонна Липатова Светлана Афанасьевна ыалдьыттарга төрөөбүт тыллары үөрэтиини мэтэдиичэскэй өттүнэн арыаллааһын үлэтин билиһиннэрдилэр, “Төрүт тыллар” портал матырыйаалларын көрдөрдүлэр. Институт оскуола иннинээҕи үөрэхтээһиҥҥэ кафедратын сэбиэдиссэйэ, педагогика билимин хандьыдаата Лебедева Надежда Николаевна “Сэттэ норуот – сэттэ аламаас” бырайыак олоххо киириитин кэпсээтэ. Кэллиэгэлэрбит “Айыы Кыһата” гимназия Дьокуускай куорат усулуобуйатыгар этнокультурнай үөрэх эйгэтин тэрийэр үлэтин улаханнык сэҥээрдилэр.
Салгыы СӨ Билим дьоҕус академиятын уонна Хаҥалас улууһун үөрэҕин тэрилтэлэригэр үлэлээтилэр: Өктөм орто оскуолатыгар уонна Өктөмнөөҕү билим-үөрэх киинигэр.
Үлэҕэ холонон көрүү уопутун бырагырааматыгар Дьокуускай куорат үөрэҕин тэрилтэлэригэр, Төрөөбүт тыллары үөрэтэр кииҥҥэ сылдьыы баар. Бу туһунан Үөрэҕи сайыннарар уонна идэ таһымын үрдэтэр институт сырдатар.
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…
Дьокуускай киинигэр массыына дьиэ эркинигэр курдат саахаламмыт курдук оҥоһуллубут арт-эбийиэги көтүрдүлэр. Инсталляция Ленин проспегар турар…
Субуотаттан, от ыйын 12 күнүттэн саҕалаан, Саха сиригэр нэдиэлэ устата магнитнай буурҕа саҕаланыа. Мөлтөөһүн аныгыскы…