Хаартыска: ааптар тиксэриитэ
«Алтын Майдан» аан дойдутааҕы айар талааннары түмэр, сүүмэрдиир бэстибээл 10-с төгүлүн ыытыллар үбүлүөйдээх сылын тэрээһинэ Саха сиригэр Арассыыйа култууратын үлэһиттэрин күнүн уруйдуу-айхаллыы аанын тэлэччи арыйда.
Ытык Ньурба удьуор уус ылбаҕай ырыаһыттара, тохтор тойуктаахтара, култуура үрдүк үөрэҕин кыһатын бүтэриэхтэриттэн тыа сиригэр үлэлии сылдьар Мэҥэдьэк, Марха, Күндээдэ, Антоновка, Ньурба талааннаах ыччаттара күөн көрсө күрэстэһэ, өй-санаа үллэстэ, Туймаада Эбэ Хотуҥҥа ыллам ырыаларын ындыыланан, тохтор тойуктарын төргүүлэнэн, хомустарын хоннохтонон, кырыымпаларын кыбынан, хара ааныттан хатыһан, «Алтын Майдан» аан дойдутааҕы бэстибээл арыллыытын киэргэллэрэ, көмүс дорҕоонноохторо буолбуттара эрэли үөскэтэр.
Оҕолор Саха Өрөспүүбүлүкэтин Тас сибээскэ уонна норуоттар дьыалаларыгар, СӨ Култуураҕа уонна духуобунас сайдыытыгар, СӨ Үөрэхтээһиҥҥэ уонна наукаҕа министиэристибэлэрэ тэрийэр бэстибээллэригэр тылбын тыалга ыспакка ылынан, өйөөн, дойдутун дьоно тупсан көстөллөрүгэр күүс-көмө буолбут биир дойдулаахпыт, тупсаҕай туттуулаах, күлүмнүүр көстүүм дизайнера, дьоллоох Дьокуускай туонатыгар Ф.И.Фадеева аатынан Оҕо дыбарыаһын иһинэн кэрэ эйгэҕэ үөрэтэр, сырдатар уһуйааччы Евсей Иванович Ивановка махталбыт муҥура суох!
Уолбут, оҕобут үтүөнү-кэрэни тэнитэн, ыыра кэҥээн, аартыктара алгыстаах буоллун диэн үтүө санаабытын аныыбыт. Култуура эйгэтигэр кынаттанан көппүт үүнэр көлүөнэ ыччаттарбар эрэлим ытыс саҕа кыымтан саҕыллан, барҕа кутаа күлүмнүө диэн кэтэһэ-күүтэ хаалыаҕыҥ. Алгыс тылым абырал буоллун, харысхал тылым хахха буоллун!
Розалия ТИХОНОВА
Cаха сирин синоптиктарын сабаҕалааһыннарынан бүгүн, ахсынньы 24 күнүгэр, Арктика кытылынан сорох сиринэн хаардыыр. Бу туһунан…
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…