Бүгүн Саха сиригэр социальнай өҥөнү ылар бырааптаах 66346 федеральнай чэпчэтиинэн туһанар киһи олорор. Кинилэртэн 47 тыһыынчаттан тахса киһи өҥөнү натуральнай көрүҥүнэн ылар, ону алтынньы 1 күнүгэр диэри харчынан ыларга уларытыахтарын сөп. Бу туһунан брифиҥҥэ Арассыыйа социальнай пуондатын Саха сиринээҕи салаатын управляющайа Марина Герман иһитиннэрдэ.
“Үгүс түгэҥҥэ социальнай өҥө натуральнай көрүҥүнэн ананар. Ол эрээри гражданин бэйэтин баҕатынан бу өҥө бакыатын бүтүннүү эбэтэр сорҕотун харчынан ылыан сөп. Суумата ыйга 1578,50 солк. Алтынньы 1 күнүгэр диэри Арассыыйа социальнай пуондатын Саха сиринээҕи салаатыгар сайабылыанньа биэрдэхтэринэ, 2025 сыл тохсунньу 1 күнүттэн социальнай бакыаты уруккунан ылаллара уларыйыа. Сайабылыанньаны Судаарыстыбаннай өҥөлөр порталларыгар, Элбэх функциялаах кииҥҥэ эбэтэр биһиги Салаабыт клиентскай сулууспатыгар биэриэхтэрин сөп. Өскөтө гражданин өҥөнү ыларын оннунан хаалларыан баҕарар буоллаҕына, сайабылыанньа биэрбэт”, — диэн быһаарда Марина Герман.
Сайаапката суох социальнай төлөбүр көрүллүбүт инбэлииттээх дьоҥҥо социальнай өҥө нобуора натуральнай көрүҥүнэн ананар. 2023 сыл от ыйын 24 күнүн кэнниттэн социальнай төлөбүр анаммыт бойобуой дьайыылар бэтэрээннэригэр төттөрүтүн социальнай бакыат харчынан төлөнөр, ол иһин натуральнай көрүҥүнэн ылыахтарын баҕарар буоллахтарына сайабылыанньа биэриэхтэрин наада.
Арассыыйа социальнай пуондатын Саха сиринээҕи салаата өрөспүүбүлүкэ олохтоохторун социальнай өҥө нобуорун хайдах көрүҥүнэн ыларга олохтоохтук толкуйданан баран быһаарыналларыгар ыҥырар. Социальнай өҥөнү (эбэтэр сорҕотун) натуральнай көрүҥүнэн ылартан аккаастаммыт киһи сылы быһа маны кыайан уларыппат. Оттон натуральнай чэпчэтиини туттар быраабын хаалларыммыт киһи өҥөнү сөптөөх кээмэйинэн туһаныаҕа.
Социальнай өҥө нобуорун хайдах ылар ордугун Арассыыйа социальнай пуондатын Саха сиринээҕи салаатын клиентскай сулууспатыгар тиийэн эбэтэр 8-800-100-00-01 нүөмэрдээх төлөпүөҥҥэ эрийэн сүбэлэтиэххитин сөп (үлэ күнүгэр: 9:00-18:00 чч.), диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…
Ил Дархан Туһаайан этиитигэр эппитинэн, Култуура сылыгар Муусука үрдүкү оскуолата уонна Арктикатааҕы эпос, ускуустуба киинэ…
Аркадий Новиков төрүттээбит “Көөчөөн көрө” мини тыйаатырын салайааччыта, СӨ култууратын үтүөлээх үлэһитэ Анна Охлопкова айар…