Хаартыска: ЯСИА, Мария Васильева
Федеральнай чэпчэтиилэринэн туһанааччылар кэлэр сылга социальнай өҥөлөр көрүҥнэрин уларытар кыахтаахтарын санаттылар.
Сайабылыанньаны алтынньы 1 күнүгэр диэри биэриэххэ наада, диэн брифиҥҥэ Арассыыйа Социальнай пуондатын Саха сиринээҕи салаатын салайааччыта Марина Герман иһитиннэрдэ.
«Социальнай өҥөлөр набора ый аайы төлөбүрүнэн бэриллэр эбэтэр өҥөнөн оҥоһуллар: эминэн-томунан хааччыйыы, санаторнай-курортнай эмтэнии, эмтэнэр сиргэ диэри уонна төннөргө куораттар икки ардыларынааҕы тыраныспарын айан ороскуота, куорат таһынааҕы пуойастарынан босхо айан. Чэпчэтиилээхтэр социальнай өҥөлөрү өҥөнөн да, эбэтэр харчынан төлөбүр быһыытынан ылыахтарын сөп», – диэн Марина Герман эттэ.
Федеральнай чэпчэтиилэринэн туһанааччыларга инбэлиит гражданнар, Аҕа дойду Улуу сэриитин бэтэрээннэрэ, блокадалаах Ленинград олохтоохторо, бойобуой дьайыылар бэтэрээннэрэ, радиация сабыдыалыгар түбэспит дьон уонна да атын категориялаах гражданнар киирсэллэр.
Марина Герман быһаарбытынан, инбэлиит гражданнарга социальнай өҥөлөр маҥнай дьиҥнээх өҥөнөн ананар, оттон бойобуой дьайыылар бэтэрээннэригэр уонна радиацияҕа түбэспит гражданнарга уу харчынан төлөнөр. Салгыы киһи бэйэтэ социальнай өҥөлөрү хайдах көрүҥүнэн — чэпчэтиинэн дуу, харчынан дуу ылыан баҕарарын талар кыахтаах.
«Саха сиригэр 69 349 киһи федеральнай чэпчэтиилэринэн туһанар, кинилэртэн 49 035-һэ социальнай өҥөлөрү дьиҥнээх өҥөнөн ылаллар. Дьиҥнээх өҥөнөн бэриллэр чэпчэтиилэр харчынан кэмпэнсээссийэ сууматын иһинэн буолбакка, киһиэхэ төһө наадатынан кээмэйинэн бэриллэллэр», – диэн салайааччы иһитиннэрдэ.
Сайабылыанньаны «Госуслуги» портаалга, АСП СӨ салаатын килийиэннэри кытта үлэлиир сулууспаларыгар уонна Элбэх өҥөнү оҥорор киин офистарыгар биэриэххэ сөп. Талыллыбыт көрүҥ кэлэр сыл тохсунньу 1 күнүттэн үлэлиэҕэ. Ыйытыыларгытын Саха сиринээҕи салаатын биир кэлим контакт-киинигэр 8-800-100-00-01 нүөмэргэ эрийэн биэриэххитин сөп.
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…