Алтынньы 12 күнэ: силлиэ тыал, тибии, күнүс -3С

Саха сиринээҕи Гидрометкиин саайтын сабаҕалааһынынан, өрөспүүбүлүкэ  үгүс оройуоннарынан кыралаан хаардыыр, оттон хотугулуу-арҕаа хойуутук хаар түһүөҕэ.

Арктика улуустарыгар тыал сөкүүндэҕэ 15-17 м. тиийэ күүһүрүө, силлиэ тыал, тибии түһүөҕэ.

Салгын температурата түүн -8…-13, хотугулуу-илиҥҥи улуустарга -16…-21, Арктика улуустарыгар -1…-6 кыраадыс тымныы.

Күнүс -3…-8, хотугулуу-арҕаа -8…-13, Арктика улуустарыгар -4…+1 кыраадыс буолуоҕа.

Дьокуускайга түүн кыралаан хаардыыр, күнүс сөҥүүтэ суох. Тыал хотугулуу-арҕааттан сөкүүндэҕэ 3-8 м түргэннээх күүстээх. Салгын температурата түүн -9…-11, күнүс -2…-4 кыраадыс тымныы.