Алтынньы 13 күнэ: сорох улуустарга хаар хойуутук түһүөҕэ

Бүгүн, алтынньы 13 күнүгэр, Саха сирин илин, соҕуруулуу-арҕаа, соҕуруу улуустарыгар сорох сирдэринэн хаар түһүөҕэ диэн УГМС иһитиннэрэр.

Түүн Уус Маайаҕа, Томпоҕо, Өймөкөөҥҥө уонна Нерюнгрига хаар хойуутук түһэрэ күүтүллэр.

Сөкүүндэҕэ 9-14 миэтэрэ түргэннээх тыаллаах, Нерюнгрига күнүс сөкүүндэҕэ 15-18 миэтэрэ түргэннээх тыаллаах.

Түүн салгын температурата -5-10°С, халлаан халыннаҕына, -11-16°С, хотугулуу-арҕаа улуустарга -18-23°С. Күнүс салгын температурата 0,-5°С, соҕуруу уонна Халыма улуустарыгар +3°С, хотугулуу-арҕаа, арҕаа, Арктика улуустарыгар -5-10°С.