Алтынньы 16 күнэ: хаардыыр, хотугулуу-илин түүн -30°С диэри тымныйыа

Саха сиринээҕи Гидрометеосулууспа саайтын билгэтинэн, бүгүн, алтынньы 16 күнүгэр, өрөспүүбүлүкэ үрдүнэн кыралаан хаардыыр, оттон арҕаа, соҕуруу, хотугулуу-илин сорох оройуоннарынан хаар түһэрэ күүтүллэр.

Сиккиэр тыаллаах, хоту байҕал кытылынан тыала сорох сиринэн сөкүүндэҕэ 17-22 м. диэри күүһүрүө, тибии түһүө.

Салгын температурата түүн -8…-13°, халлаан халыннаҕына -16…-21°, хотугулуу-илин хайаларынан -25…-30° кыраадыска диэри тымныйыа. Күнүс -3…-8°, хотугулуу-илин намыһах сирдэринэн -9…-14°, Арктика кытылынан 0…-5° кыраадыс буолуо.

Дьокуускайга күн устата сөҥүүтэ суох, тыал арҕааттан сөкүүндэҕэ 3-8 м. диэри түргэннээх. Салгын температурата түүн -10…-12°, күнүс -3…-5° кыраадыс.