Алтынньы 23 күнэ: тибии, хаар, күнүс -8° кыраадыс

Саха сиринээҕи УГМС саайта иһитиннэрэринэн, бүгүн, алтынньы 23 күнүгэр, өрөспүүбүлүкэ улахан өттүгэр кыралаан хаардыыр, Өлүөнэ алын тардыытынан, Халымаҕа сорох сиринэн хаар түһэрэ күүтүллэр.

Соҕуруу улуустарга сөҥүүтэ суох. Сиккиэр тыаллаах, хоту байҕал кытылынан тибиилээх.

Салгын температурата түүн -7-12°, былыта суох буоллаҕына -17-22°, хотугулуу-арҕаа намыһах сирдэринэн былыта суох буоллаҕына -22-27°, күнүс -3-8°, хотугулуу-илин  -8-13° кыраадыс.

Дьокуускайга түүн -11-13°, күнүс -3-5° кыраадыс тымныы. Түүн сөҥүүтэ суох, күн бүтүүтэ кыралаан хаар түһүөн сөп, тыал соҕуруулуу-арҕааттан сөкүүндэҕэ 3-8 м. түргэннээх.