Алтынньы 7 күнэ: хаар түһэр, күнүс 0…-5° кыраадыс

Бүгүн, алтынньы 7 күнүгэр, Саха сиригэр кыралаан хаардыыр, Усуйаана улууһугар сорох сиринэн хойуутук хаар түһүөҕэ, диэн  Саха сиринээҕи УГМС иһитиннэрэр.

Сиккиэр тыаллаах, хоту байҕал кытылыгар түүн сөкүүндэҕэ 9-14 м. түргэннээх тыаллаах, күнүс сөкүүндэҕэ 15-20 м. тиийэ күүһүрүө.

Салгын температурата түүн -8…-13°, хотугулуу-илин -22…-27°, хаар түһэр кэмигэр -13…-18° кыраадыс тымныы. Күнүс 0…-5°, соҕуруу 0…+5°, хотугулуу-арҕаа -3…-8°, хотугулуу-илин сорох сиринэн -8…-13° кыраадыс буолуоҕа.

Дьокуускайга: кыралаан хаардыыр, тыал хотугулуу-арҕааттан сөкүүндэҕэ 2-7 м. түргэннээх. Салгын температурата түүн -8…-10°, күнүс -1…-3° кыраадыс буолуоҕа.