Алтынньы бүтэһик күннэригэр сөҥүүтэ суох уонна тымныы буолуоҕа

Алтынньы ый билгэтинэн бу ый  30 күнүттэн сыарҕанан сырыы саҕаланар, от-мас тиэллэр. Бу күннэргэ халыҥ хаар түстэҕинэ, сылгыга үчүгэй кыһын күүтүллэр. Оттон Саха сиринээҕи УГМС синоптиктарын иһитиннэриитинэн, алтынньы ый бүтэһик сэтинньи ый бастакы күннэригэр  үгүс улуустарынан сөҥүүтэ суох күннэр туруохтара.

Алтынньы 30-31 күннэригэр Саха сирин арҕаа, соҕуруу өттүгэр, Халымаҕа кыралаан хаардыыр, атын оройуоннарынан сөҥүүтэ суох күннэр тураллара сабаҕаланар. Кыра тыаллаах, хотугу муора кытылынан сөкүүндэҕэ 7-12 м. түргэннээх тыалырыа.

Салгын температурата түүн -21-26°С, хоту -28-33°С, хотугулуу-илин -33-38°С, хаардаатаҕына -16-21°С, соҕуруулуу-арҕаа-7-12°С. Күнүс -12-17°С, арҕаа, соҕуруу -8-13°С, соҕуруулуу-арҕаа -3-8°С, хоту, хотугулуу-илин -18-23°С кыраадыс тымныы. Хоту муора кытылынан -10-15°С, күнүс -7-12°С кыраадыс тымныы.