Алтынньыга 16 гараас умайбыт

Тымныы түһэрин кытта гараастарга баһаар ахсаана элбиир. Аҥардас алтынньы саҕаланыаҕыттан Саха сиригэр 16 уот турбута бэлиэтэннэ, онно 21 гараас уонна гараас боксата, ону таһынан 10 тиэхиньикэ эмсэҕэлээтэ.

«Ааспыт сылга 177 гараас умайбыт, онтон бииригэр киһи өлбүт, өссө биир киһи эчэйбит. Үксүгэр төрүөтүнэн уоту сэрэҕэ суох туттуу, гарааска уонна массыыналарга электрическэй боробуот туруга мөлтөҕө, отуппуой уонна ититэр тэриллэри туттарга баһаартан сэрэхтээх буолуу быраабылатын кэһии буолар», – диэн Арассыыйа ЫБМ-ын Саха сиринээҕи Сүрүн управлениетын дьаһалта-практикатын уонна ырытыы-билии отделын начальнига Надежда Петрова бэлиэтээтэ.