Хаартыскаҕа Ольга Пестерева түһэриитэ
2025 сыл алтынньыта кэнники 250 сыл иһигэр буолбатах саамай сылаас ый буолуоҕа диэн синоптиктар иһитиннэрдилэр. Бу маннык сылаас күннэр Калининградтан Камчаткаҕа диэри туруохтаахтар.
Ол курдук, алтынньыга дойду хотугулуу-илиҥҥи өттүгэр урут тоҥоруу буолар, хаар түһэр, уу тоҥор, кыһын саҕаланар эбит буоллаҕына, быйыл ураты буолар үһү. Бу иһитиннэриини «Гидрометкиин» үлэһитэ Роман Вильфанд бигэргэппит.
Арассыыйа киинигэр +18+20 кыраадыс сылаас буолуо диэн сабаҕалыыллар. Дойду соҕурууҥҥу уобаластарыгар сайыҥҥылыы +25 кыраадыс туруохтаах.
Сибииргэ уонна Уһук Илиҥҥэ: Саха сиригэр уонна Магадаан уобалаһыгар салгын +15…+20 кыраадыска диэри сылыйыа, кыстык хаар өтөрүнэн түһүө суоҕа диэн сабаҕалыыллар. Дьэ, бу маннык сылыйыы өтөрүнэн буола илик.
Саха сиригэр маннык сылыйыы, төттөрүтүн, мөкү өрүтэ элбэх — хаар түспэккэ, кураанах тыа курус хартыынаны ойуулуур, сир тоҥмокко, муус турбакка, сырыы-айан харгыстанар, маны тэҥэ, идэһэни өлөрүү, муҥхалааһын, муус ылыыта, бородууктаны хаһааныы эмиэ хойутуур. Айылҕаҕа, кыылларга, көтөрдөргө хайдах дьайыа эмиэ биллибэт.
Ол эрээри, күнү-дьылы билгэлиир саайтарга киирэн көрдөххө, Саха сиригэр алтынньыга улахан тымныйыы да, сылыйыы да суох. Алтынньы 10 күнүгэр диэри күнүһүн уулларыан, +3+4 кыраадыска диэри сылыйыан сөп, ол эрээри, онтон ыла -5-10 кыраадыска диэри тымныйар, тоҥорор диэн көрдөрөллөр.
Чэ көрүөхпүт, хайдах буолар эбит.
Бэҕэһээ, тохсунньу 23 күнүгэр, Горнай улууһун Бэрдьигэстээх сэлиэнньэтигэр Мэхээлэ Дьөгүөрэп аатынан сынньалаҥ киинигэр нэһилиэккэ биллэриллибит…
“Итии чэй” рубрика бүгүҥҥү ыалдьыта Микиитэ Айанньыытап. Микиитэ “Зема” ыччат уопсастыбаннай түмсүүтүн өрөспүүбүлүкэтээҕи холбоһугун бэрэссэдээтэлэ,…
Бүлүү улууһун ыраах Хаҕын орто оскуолатын 10 үөрэнээччитэ Москва, Санкт-Петербург, Казань куораттарыгар “Нуучча филологията”, “Тыллары…
Тыа сиригэр киһи хараҕар быраҕыллар хамсааһынынан бу ааспыт сылга тыа хаһаайыстыбатын дьоҕус эбийиэктэрин тутуу буолла.…
Саха сирин сурунаалыыстарын сойууһун бэрэссэдээтэлин солбуйааччы Галина Алексеевна Бочкарева бэрэссээдэтэл быһыытынан үлэлии сылдьан, 2016 сыллаахха…
Саха сирэ айылҕатын баайа уонна килиимэтэ уратылаах буолан, экология туруга эмиэ олус улахан суолталаах. Ол…