Алтынньыга төрөөбүт ураты ааттаах оҕолор: Зейд, Рагим, Каталея, Джису…

Алтынньыга Саха сиригэр 942 оҕо күн сирин көрбүт: 485 уол уонна 457 кыыс. Бу сыл устата 8939 оҕо төрөөбүтэ биллэр.

ЗАГС управлениетын дааннайдарынан, алтынньыга төрөөбүт уолаттары Александр, Лев, Дархан, Мирон, Роман, Эркин, Тимур, Аман уонна Эрсан диэн ааттарынан элбэхтэ сүрэхтээбиттэр. Ураты ааттарынан — Александр-Лев, Дастин, Демиан, Зейд, Марс, Рагим, Соломон буоллулар.

Оттон кыргыттарга София, Аделина, Амелия, Виктория, Ева, Эмилия, Милана, Кира уонна Кэрэли диэн ааттары үгүс төрөппүт талбыт. Ураты ааттарынан Джису, Елиана, Каталея, Лолита, Мирабелла, Никандра, Сигуна буоллулар.