Алтынньыга уол оҕолору ордук Дастин, Демиан, Зейд, Соломон диэн сэдэхтик ааттаабыттар

Ааспыт алтынньы ыйга Саха сиригэр 942 оҕо төрөөбүт: 457 кыыс уонна 485 уол.

ЗАГС управлениетын чахчытынан, алтынньыга төрөппүттэр уол оҕолорун ордук Александр, Лев, Дархан, Мирон, Роман, Эркин, Тимур, Аман уонна Эрсан диэн сүрэхтээбиттэр. Сэдэх ааттар кэккэлэригэр манныктар бааллар: Александр-Лев, Дастин, Демиан, Зейд, Марс, Рагим, Соломон.

Кыргыттары алтынньыга София, Аделина, Амелия, Виктория, Ева, Эмилия, Милана, Кира уонна Кэрэли диэн ааттаталаабыттар. Сэдэх ааттар испииһэктэригэр Джису, Елиана, Каталея, Лолита, Мирабелла, Никандра, Сигуна диэн ааттар бааллар.

Саха Өрөспүүбүлүкэтэ оҕо төрөөһүнүнэн Уһук Илин федеральнай уокурук эрэгийиэннэригэр уонна Федерация субъектарыгар лиидэрдэр кэккэлэригэр сылдьар, оттон уһуннук олоруунан аан бастакытын дойду орто көрдөрүүтүн аһаран, 73,6 сааска тиийдэ.