Хаартыска: Мария Васильева, ЯСИА.
Саха сиригэр быйыл тохсунньу 1 күнүттэн алтынньы 29 күнүгэр диэри 8664 оҕо күн сирин көрбүт. Онтон 4427-тэ – уол, 4237-тэ – кыыс.
Алтынньыга өрөспүүбүлүкэҕэ 805 оҕо күн сирин көрбүт: 426 уол уонна 379 кыыс. ЗАГС управлениетыгар төрөппүттэр оҕолоругар ханнык киэҥник тарҕаммыт уонна сэдэх ааттары иҥэрбиттэрин туһунан кэпсээтилэр.
Ол курдук, алтынньыга уолаттары үксүн Александр, Артур, Арчын, Арылхан, Дархан, Лев, Тимур диэн ааттаабыттар. Сэдэх ааттар испииһэктэригэр Алтын, Георгий, Карлен, Леон, Олег, Филипп, Яков киирбиттэр.
Кыргыттарга Аделина, Алиса, Кэрэли, Мия, София, Сияна, Ева диэн ааттар киэҥник тарҕаммыттар. Сэдэх ааттар ортолоругар – Аля, Валеана, Дарья, Кия, Кюнчээнэ, Эйа, Яра бааллар.
Саха сирэ оҕо төрөөһүнүн таһымынан Уһук Илиҥҥэ бастакы, оттон Арассыыйа үрдүнэн – онус миэстэни ылар. Нэһилиэнньэ эбиллиитинэн дойдуга ахсыс миэстэҕэ турар. Бу көрдөрүүлэр оҕолоох ыаллары өйөөһүҥҥэ туһуламмыт судаарыстыбаннай социальнай бэлиитикэ көмөтүнэн ситиһилиннилэр.
РФ Бэрэсидьиэнэ Владимир Путин дьиэ кэргэни, ийэ буолууну уонна оҕо сааһы өйүүр боппуруостарга улахан болҕомтону уурар.Быйыл дойдуга «Дьиэ кэргэн» диэн саҥа национальнай бырайыак үлэтэ саҕаламмыта. Онно сүрүн болҕомто дьиэ кэргэттэрин этэҥҥэ буолууларыгар уонна олохторун хаачыстыбатыгар ууруллар.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…