Алтыс этээстэн 2 саастаах оҕо суулунна

Саха сирин силиэстийэлиир кэмитиэтэ иһитиннэрбитинэн, Нерюнгри куоракка  икки саастаах оҕо өлбүтүнэн  процессуальнай  бэрэбиэркэ ыытыллар.

Ол курдук бэс ыйын 27 күнүгэр  Арассыыйа Силиэстийэлиир кэмитиэтин Саха  сиринээҕи уорганыгар  Нерюнгри куоракка алтыс этээстэн оҕо сууллубутун туһунан иһитиннэрии киирбит.   Барыллааһын быһыытынан, уолчаан оонньуур массыынатыгар ыттан аһаҕас түннүккэ тахсыбыт.

Силиэдэбэтэллэр быһылаан тахсыбыт сирин үөрэтэн көрдүлэр-иһиттилэр диэн @susksakha телеграм-ханаалга иһитиннэрдилэр.