Хаартыска: Екатерина Гладкина.
Соторутааҕыта “Алёша” тааҥка экипаһа тугунан даҕаны кэмнэммэт, сөҕүмэр дьоруойдуу быһыыны оҥорбутун туһунан сонун дойдуну тилийэ көппүтэ. Хорсун танкистарга, кинилэр кэккэлэригэр Саха сириттэн сылдьар Алексей Неустроевка уонна Филипп Евсеевка дойду бэрэсидьиэнэ Арассыыйа Дьоруойа аатын иҥэртээтэ.
Саха сирин дьоно, бүтүн дойду олохтоохторо кинилэр дьоруойдуу быһыыларынан киэн туттан хоһоон анаатылар, ырыа айдылар. Бу күннэргэ “Кэскил” оҕо таһаарыытын дириэктэрэ Ольга Семенова тылларыгар, СӨ култууратын туйгуна Николай Андросов мелодиятыгар, Михаил Эверстов уонна Иннокентий Готовцев аранжировкаларынан “Кыайыы тыыннаах Алёша” (“Алёша – дух боевой”) диэн сахалыы-нууччалыы ырыа күн сирин көрбүт. Ырыаны Саха сирин норуотун артыыһа Александр Емельянов толорор.
“Биир дойдулаахтарбытын наҕараадалаабыттарын туһунан сонун Кириэмилтэн көтөн кэлээтин кытта, биир дойдулаахпытынан киэн туттар санаа иилии кууспута. Хоһоон тылын бэйэм суруйан кэбиспитим. Тылларын тута Николай Андросовка ыыппыппын көрөн баран, көннөрөн биэр диэн сүбэлээбитэ. Салгыы нууччалыы тылбаастыырга быһаарыммыппыт. Онон ырыа икки тылынан таҕыста”, — диэн ырыа тылларын ааптара Ольга Семенова кэпсээбитин Улусмедиа суруйар.
Кыайыы тыыннаах Алёша
Ийэ-аҕа чыычаахтара
Борбуйдарын көтөхпүттэр,
Буһуу-хатыы бурҕалдьытын
Буойун буолан кэппиттэр.
Хос ырыата:
Алёша танк хорсун кутун
Герой дьону уруйдуубут!
Кыайыы тыыннаах эрэл кыымын
Сүрэх аайы уматабыт.
Ийэ сиргэ түһэн иҥэр
Харах уутун халбарытан,
Доҕордоһуу куйахтанан
Кыргыһыыга кыайдылар.
Үйэ харсар үлтүркэйин
Ситим кэмин бэлиэлэрэ.
Аҕа дойду ытык чиэһин
Хаххалара – уолаттара.
Ырыаны бу манан киирэн истиҥ.
Алёша – дух боевой
В родном селе воспитаны
Державного птенцы орла.
Судьбой семьи написана
Страны большой история.
Припев:
Алеша танк – дух боевой.
Отвагою гордимся мы!
Да здравствует страны герой!
Россия надеждой полна.
В сердцах тревоги не тая
Мы молим Бога каждый час.
Пусть крепость дружбы фронтовой
Хранит и Родину, и вас.
Вы истина меж двух веков
Одной судьбой завязаны.
Великой Родины сыны,
Победы песни и стихи.
Ырыаны манан киирэн истиҥ
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…