Хаартыска: Полина Жергина тиксэриитэ
Биһиги Куокуйбут нэһилиэгин алыптаах Саҥа Дьыл тыына тумнубата. Ол курдук, «Кыһын Саха сириттэн саҕаланар» Бүтүн Арассыыйатааҕы бэстибээл чэрчитинэн Саҥа Дьыллааҕы харыйа уотун сандаардар үөрүүлээх тэрээһиммитигэр дьон-сэргэ, оҕо аймах бүтүннүү муһунна.
Кыһыммыт күүтүүлээх ыйа — ахсынньы үүннэ, кинини кыра оҕотуттан аҕам саастаах дьоҥҥо тиийэ кэтэһэллэр. Харыйа уота умайарын көрөөрү оҕолор, төрөппүттэр тоҕуоруһа муһуннулар. Саҥа Дьыллааҕы көрдөөх муусука тыаһынан театрализованнай көрдөрүү саҕаланна. Хаар киһи үөрэн- көтөн киирэн оҕолору кытта эҕэрдэлэстэ, үҥкүүтүн бэлэхтээтэ, ол кэмҥэ эмискэ үс хараҥа күүстэр кэлэн елкабыт уотун уоран бардылар. Хаар киһи барахсан куттанан, харыйа кэннигэр саспыт. Дьэ онтон үтүө санаалаах Фея,ыраахтан Чысхаан эһээбит, Хаарчаана сиэнинээн тиийэн кэлэн тыын боппуруоһу быһаарыстылар, ыраас санаа күүстэрэ Хаар киһи, Хаарчаана, кэлэр сыл бэлиэтэ Ат үс хараҥа күүстэри кыайаннар, үүртэлээн ыыттылар. Бу сиргэ сырдык уонна үөрүү олохсуйуохтаах! Үс күүстэр түмсүүлэрэ Сырдыгы аҕаллылар, Хара Күүһү кыайдылар. Үөрүү- көтүү үктэллээх Куокуй нэһилиэгэр күөх харыйабыт уоттара Саҥа дьыл кэлэн иһэрин көрсө күлүмнүү сандаардылар.
Полина Жергина. Кэбээйи улууһа, Куокуй нэһилиэгэ.
Туһааннаах докумуоҥҥа РФ Бэрэсидьиэнэ Владимир Путин илии баттаата, быраабы иһитиннэрэр официальнай порталга таҕыста. 2026 сылтан…
Сэтинньи 24 күнэ. Ил Дархан Дьокуускайга 2-с №-дээх куораттааҕы балыыһа SMART-поликлиникатын үөрүүлээхтик арыйыы тэрээһинигэр кытынна.…
Бу сыл бүтэһик үлэ нэдиэлэтэ баара-суоҕа икки күннээх буолуоҕа. Арассыыйа олохтоохторо ахсынньы 29 уонна 30…
ИДьМ сулууспатын 4 №-дээх полициятын отделын дьуһуурунай чааһыгар эр киһи ноутбуктаах суумкатын биллибэт киһи уоран…
Арассыыйаҕа ахсынньы 1 күнүттэн тас дойдуттан киллэриллэр тимир көлөҕө утилизационнай хомууру ааҕар саҥа быраабылалар күүстэригэр…
Сыл саҕаланыаҕыттан Саха сиригэр байыаннай дьайыы 96 кыттыылааҕа уонна 182 кинилэр дьиэ кэргэттэрин чилиэнэ үлэнэн…