Биһиги киэҥ-нэлэмэн Сахабыт сирэ олус кэрэ айылҕалаах, ыраас салгыннаах, дьэҥкир уулаах, ураты умсугутар күүстээх. Саха сиригэр ханна да суох ураты, дьикти кэрэ көстүүлээх, биир саамай умсугутуулаах, туристары тардар алыптаах сиринэн Буотама буолар.
Буотама үрэх – Өлүөнэ эбэ уҥа салаата, Хаҥалас уонна Өлүөхүмэ улуустарын сирдэринэн Алдан хайатын хотугу кытыытынан уонна Өлүөнэ хайаларынан ааһар. Буотама үрэх 418 км уһуннаах, киэҥ-нэлэмэн хонуулардаах, үрдүк таас кытыллардаах. Буотама тардыытыгар 200-тэн тахса күөл баар.
Хара Үрэх салаатынан аллараа түстэххэ, икки өттүттэн таас хайалар хаймыылыыллар. Буотама очуостарын үгүстүк Өлүөнэ очуостарыгар майгыннаталлар, кинилэр 150 м үрдүктээхтэр, 550-500 мөлүйүөн сыл анараа өттүгэр кембрий кэмигэр киирсэллэр. Буотама тардыытыгар 30-40 тыһыынча сыл анараа өттүгэр былыргы дьон олохсуйа сылдьыбыт сирдэрэ көстүбүтэ.
Буотама кэнники сылларга элбэх киһи сөбүлээн сылдьар сиринэн буолла. Туристары көрүөхтэн кэрэ айылҕата тардар, сайын аайы үрэх устун 354 км оҥочонон усталлар. Буотама кытыла бэс, харыйа булкаастаах тиит ойуурдаах, араас талах үүнээйилээх, онно уулаах отон, уохта, биэ эмиийэ, сугун, хаптаҕас уонна моонньоҕон өлгөмнүк үүнэллэр. Айаннаан иһэн тайаҕы, эһэни, кииһи уонна да атын да кыыллары көрсүөххэ сөп.
2006 сыллаахха СӨ Айылҕа харыстабылыгар министиэристибэтэ сэлии үөскээн ааспыт кэминээҕи кыыллары сөргүтэр сыалтан «Өлүөнэ очуостара» национальнай паарка иһинэн «Уус Буотама» ойуур бизоннарын питомнигын аспыта. Отут ойуур бизонун Канаада «ЭлкАйленд» национальнай пааркатыттан аҕалбыттара. 2008 сыллаахха аан бастаан алта бизон оҕото төрөөбүтэ, билигин дьиикэй айылҕаҕа төрөөн-ууһаан элбээтилэр.
Бүгүн Саха сирин сорох улуустарыгар 35 кыраадыска тиийэ тымныйыаҕа диэн УГМС иһитиннэрэр. Өрөспүүбүлүкэ арҕаа, соҕуруу,…
Мэдиссиинэ национальнай киинин Перинатальнай киинигэр алтынньы 23 күнүгэр ийэлэри уонна аҕыс саҥа төрөөбүт оҕону үөрүүлээхтик…
«ВИС» бөлөх тутааччылара үс тимир ураһаттан биирин туруорар үлэтин түмүктээтилэр. Дьокуускайга үс ураһалар билигин тутулла…
Бу күннэргэ М. Лукачевскай "Триумф" диэн киинэтэ киэҥ араҥаҕа таҕыста. Чулуу бөҕөстөрбүт 1976 сыллааҕы Олимпиадаҕа…
“Б8” акселерационнай бырагыраама Саха сирин уонна Казахстан оонньууну оҥорооччуларын түмтэ. Үс нэдиэлэ устата 35 сайаапка…
Госдуума дьокутаттара иккис уонна үһүс бүтэһиктээх ааҕыыга патогеннай микроорганизмнары контрабанданан дойдуга киллэрии уонна куттал суох…