"Российская газета" сайтыттан
Америка Холбоһуктаах Штаттарын бэрэсидьиэнин быыбарын бастакы түһүмэҕэ сэтинньи 5 күнүнэн түмүктэннэ. Сүрүн киирсии Демократиятааҕы уонна Өрөспүүбүлүкэтээҕи баартыйалар икки ардыларыгар бара турар.
Демократиятааҕы баартыйаттан билигин вице-бэрэсидьиэннии олорор Камала Харрис киирсэ сылдьар. Оттон Өрөспүүбүлүкэтээҕи баартыйаттан – 2017 сылтан 2021 сылга диэри Америка Холбоһуктаах Штаттарын салайан олорбут бэлиитик Дональд Трамп.
АХШ бэрэсидьиэнин быыбара икки түһүмэҕинэн ыытыллар. Бастаан нэһилиэнньэ бүттүүн куоластаан штаттарынан быыбардааччылар кэллиэгийэлэрэ диэни талар. Бу кэллиэгийэҕэ штаттартан быыбарга турбут кандидаттарга куоластыахтаах дэлэгээттэр талыллаллар. Барыта 538 дэлэгээт талыллыахтаах. Салгыы бу кэллиэгийэ нэһилиэнньэ накааһын толорон, эрэннэрбит кандидатыгар куолаһын биэрэр. Бэрэсидьиэн буолуохтаах кандидат 538 куоластан 270-тан элбэҕи ылыахтаах. Онон сэтинньи 5 күнүгэр Америка нэһилиэнньэтэ бүттүүн куоластаан дэлэгээттэри талла. Быыбар түмүгэ, экспертэр этэллэринэн, хас да хонугунан биирдэ биллиэҕэ.
Билигин Америка Холбоһуктаах Штаттарын салайан олорор Джо Байден 2020 сыллаахха талыллыбыта. Былырыын бэрэсидьиэн быыбарыгар иккис болдьоххо кыттабын диэн баран, быйыл от ыйыгар кэлэн аккаастаммыта уонна вице-бэрэсидьиэн Камала Харриһы өйүүрүн биллэрбитэ.
АХШ бэрэсидьиэнэ түөрт сылга болдьохтонон быыбарданар. Быйыл бэрэсидьиэн быыбара 60-с төгүлүн ыытыллар. Бэрэсидьиэн быыбарын сэргэ АХШ Сената уонна Бэрэстэбиитэллэрин палаатата талыллар. Бэрэсидьиэнинэн талыллыбыт кандидат инаугурацията эһиил тохсунньу 20 күнүгэр ыытыллыаҕа.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…