Хаартыска -- Степанида Гоголева тиксэриитэ
Кэлиҥҥи сылларга Абаҕа нэһилиэгэ үбүлүөйдээх тэрээһиннэрдээх буолан, үгүс тутуу барда.
Бу туһунан Амма улууһун Абаҕа нэһилиэгинээҕи Устин Нохсоров аатынан Духуобунас киинин дириэктэрэ, СӨ култууратын үтүөлээх үлэһитэ, Абаҕа нэһилиэгин Бочуоттаах олохтооҕо Екатерина Яковлева маннык кэпсээтэ:
— Уруккута улуус киининэн буола сылдьыбыт Абаҕа нэһилиэгэ 250 сылын бэлиэтээн, икки күннээх ыһыах ыспыппыт. Онно ыһыахтыыр сирбит эбийэктэрэ Аал Луук Маһыгар тиийэ саҥардыллыбыттара.
Эһиил Аммаҕа Олоҥхо ыһыаҕар ат сүүрдүүтэ биһиэхэ ыытылларынан сибээстээн, нэһилиэкпитигэр ипподром тутуллуохтаах. Саһыл Сыһыы 100 сылын бэлиэтээн, историческай комплекс урукку бырайыагынан чөлүгэр түһэриллэн, билигин өрөспүүбүлүкэҕэ биир биллэр-көстөр историческай эбийиэгинэн буолла. 2021 сыллаахха саҥа таас оскуола-уһуйаан сыбаайатын түһэриигэ Ил Дархан Айсен Николаев кыттыыны ылбыта. Быйыл 75 миэстэлээх уһуйаан, 150 миэстэлээх оскуола дьиэтэ тутуллан үлэҕэ киирэрин кэтэһэ сылдьабыт. Норуот ырыаһыта, тойуксут, олоҥхоһут САССР үтүөлээх артыыһа Устин Нохсоороп 115 үбүлүөйдээх сылыгар киниэхэ анаан тупсаҕай искибиэр тутуллубута. Быйыл “Култуура” национальнай бырайыак чэрчитинэн Духуобунас киинигэр хапытаалынай өрөмүөн буола турар. Саҥа ФАП тутуллубута. Онон абаҕалар биир нэһилиэккэ бачча элбэх тутуу барбытынан киэн туттабыт.
Биһиги, абаҕалар, бу маннык сүҥкэн үлэни ыыппыт, соторутааҕыта соһумардык ыалдьан күн сириттэн күрэммит Аҕа баһылыкпытын Макар Тмимофеевка махталбыт муҥура суох. Кини үлэлиир кэмигэр нэһилиэк социальнай-экэнэмиичэскэй сайдыытыгар сүҥкэн хадыыны оҥордо. Ылыннарыылаах тыллаах, дьаһаллаах, ыпсарыылаах кэпсэтиилээх салайааччы буолан бачча элбэҕи ситистэҕэ.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…