Амма Аччыгыйын аатынан бириэмийэни Огдо ылла

От ыйын күнүгэр Нассынаалынай бэчээт күнэ бэлиэтэнэр. Бу бэлиэ күнү көрсө оҕо литэрэтиирэтигэр норуот суруйааччыта Н.Е. Мординов-Амма Аччыгыйын аатынан литэрэтиирнэй бириэмийэни суруйааччы Евдокия Иринцееваҕа-Огдоҕо аныыр туһунан ыйаахха Ил Дархан Айсен Николаев илии баттаата.

Евдокия Иринцеева өр сылларга «Бэлэм буол», «Кэскил» оҕо хаһыаттарыгар үлэлээбитэ. Бу кэмҥэ Амма Аччыгыйын кытта бииргэ үлэлээн, алтыһан ааспыта. Билигин С.А. Новгородов аатынан «Айар» кинигэ кыһатыгар эрэдээктэринэн үлэлиир.

Оҕолорго анаммыт хас да кинигэлэрдээх. Арассыыйа Суруйааччыларын сойууһун чилиэнэ. Айымньылара английскайдыы, буряттыы тылбаастаммыттара.