«Амма» айан суолун Мэҥэ өттүнээҕи учаастага аспаалланна

«Мэҥэ автомагистраллара» тэрилтэ «Амма» айан суолун Мэҥэ Хаҥалас улууһунааҕы учаастагар саҥа аспаал тэлгэтэн бүтэрдэ.

Бу туһунан СӨ массыына суолларын салалтата иһитиннэрэр.

Мэҥэ Хаҥаласка суол тутуута «Куттала суох хаачыстыбалаах суоллар» нацбырайыагынан оҥоһуллаллар. Суол үлэлэрэ болдьохторун иннинэ бүтэн эрэллэрэ бэлиэтэнэр.

Бу күннэргэ «Мэҥэ автомагистраллара» тэрилтэ «Амма» эрэгийиэннээҕи айан суолун 10 уонна 19 км ууну аһарар турбалардаах суолу  аспаалбетон булкаһыгынан хас даҕаны араҥа гына кутан бүтэрдэ. Хантараак быһыытынан, суол тутуутун бары үлэлэрэ быйыл алтынньы ый бүтүөр диэри түмүктэниэхтээх. Ол эрээри суол оҥорооччулар үлэни от ыйын бүтүүтэ түмүктүүргэ бэлэмнэр.