Амма Алтаныгар 1980 с.т. дьахтары өлөрдүлэр

Ааспыт сууккаҕа Саха сиригэр тоҕус буруйу оҥоруу бэлиэтэммитин туһунан СӨ Борокуратуурата иһитиннэрэр. 

Амма улууһун Алтан сэлиэнньэтигэр 1981 с.т. дьахтары өлөрдүлэр.

Өлүөхүмэ оройуонун Уолбут сэлиэнньэтиттэн 30 км тэйиччи турар сиртэн 1980 с.т. эр киһи саанан ытыллан өлөн сытарын буллулар. Бу икки быһылааҥҥа уорбаланааччылары быһаардылар.

Дьокуускайга, Алдаҥҥа, Кэбээйигэ «Тойота-Платц», «Тойота-Ист» уонна «Тойота-Филдер» массыыналары уордулар. Итиэннэ Дьокуускайга уонна Ленскэйгэ уоруу буолбутун туһунан иһитиннэрбиттэр.

Киин куоракка 2023 с.т. кыыс оҕо итиигэ буһан балыыһаҕа киирдэ. Итии кофелаах чааскыны бэйэтигэр тардыбыт.

Киһи өлүүлээх суол быһылаана бэлиэтэммэтэ. Суукка иһигэр 25 итирик суоппары туттулар.