Хаартыска: sakha.gov.ru ылылынна
Доруобуйа харыстабылын бастакы сүһүөх звенотун саҥардан оҥоруу чэрчитинэн, Аммаҕа улуус киин балыыһатын мэдиссиинэ саҥа тэриллэринэн хааччыйыы салҕанар.
—Миэдиктэр тутталларыгар быйыл түөрт монитор кэлбитэ. Бу диагноһы суһаллык чопчулуурга, быһаарарга аналлаах монитордары анестезиология, реанимация, интенсивнэй терапия отделениеларыгар тутталлар, — диэн доруобуйа харыстабылын министиэристибэтиттэн иһитиннэрэллэр.
Маны сэргэ, улуустааҕы киин балыыһа автопаарката саҥардыллар. Манна даҕатан иһитиннэрдэххэ, биэс сыл устатыгар доруобуйа харыстабылын министиэристибэтин сүнньүнэн 11 көлө бэриллибит.
2023 сыллаахха улуус балыыһата «ФЛЮМАММ» көһө сылдьар комплекстаммыт (ПАЗ көлөҕө баар). Былырыын бу тиэхиньикэлэринэн 171 сырыыны оҥорбуттар. Ол түмүгэр 6783 киһини көрбүттэр. Онтон быйыл икки ый иһигэр номнуо 38 сырыы оҥоһуллубут, 1211 киһини көрбүттэр. Холобур, Болугурга биир күн иһигэр 81 киһи сылдьыбыт.
—2023 сылтан биир сылга иккитэ биһиэхэ көһө сылдьар комплекстарынан кэлэн доруобуйабытын көрөллөр. Онон улуус киинигэр айанныы сатаабакка, дьиэбититтэн ырааппакка олорон доруобуйабытын көрдөрөрбүт биһиэхэ табыгастаах. Флюмамм хаачыстыбалаах мэдиссиинэ көмөтүн оҥорор. Ордук хамсаналларыгар, хаамалларыгар кыһалҕалаахтарга уонна саастаах дьоҥҥо туһалаах, — диэн Болугур олохтооҕо Парасковья Кузьмина санаатын үлэстэр.
Кини РФ Бэрэсидьиэнигэр В.Путиҥҥа, Ил Дархаҥҥа А.Николаевка доруобуйа харыстабылын үлэтигэр болҕомто уурулларыгар, тиһиктээх үлэ ыытылларыгар, дьоҥҥо-сэргэҕэ хаачыстыбалаах мэдиссиинэ көмөтө оҥоһулларыгар махтанар.
СӨ Ил Дарханын уонна Бырабыыталыстыбатын пресс-сулууспата
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…
Кэлиҥҥи сылларга киин куоракка уонна улуустарга уопсастыбаннай сирдэр тупсаҕай оҥоһуулаах буолбуттарын Ил Дархан бүгүҥҥү Ил…