Хаартыска -- Прокопий Бубякин тиксэриитэ
Амма улууһун нэһилиэктэрин баһылыктара «ойуур баһаардарын кыттыһан умулларыахха» диэн сүбэлэспиттэрин түмүгэр, бөөлүүн Эмис нэһилиэгин ыччаттара Өнньүөс нэһилиэгин аттыгар турбут улахан ойуур баһаарын умулларыыга үлэлээн кэллилэр.
Бу туһунан Эмис нэһилиэгин баһылыга Прокопий Бубякин бу курдук иһитиннэрдэ:
— Өнньүөскэ ойуур баһаара турбутун истэн, хас да нэһилиэк бэйэбит уолаттарбытын көмөлөһөргө көрдөһөн ыыппыппыт. Эмистэн барбыт ыччаттар Мичил Устинов, Виталий Артемьев, Владимир Дмитриев аҕыс күн толору үлэлээн, бөөлүүн кэллилэр. Биһиги уолаттарбыт астарын хааччыйдыбыт. Ыччаттарбыт Уус Алдан, Таатта, Чурапчы эр бэртэрин кытта ойуур баһаарыгар тэҥҥэ сүүрэн-көтөн, улаханнык уопутурбуттар. «Верховой» дэнэр баһаарга түбэһэн, ыксаллаах түгэннэри көрсө сылдьыбыттар. Сорох тээбириннэрин уокка былдьаппыттар. Бэйэлэрэ чэгиэннэр, этэҥҥэлэр, маладьыастар. «ГАУ-ттан» үлэлээбит биирдии күннэригэр 3 000 солкуобайы төлүүллэр эбит. Бүгүҥҥү күҥҥэ үлэ тарыыба итинник. Уонна урукку курдук уһаппакка төлүүр буолбуттар. Онон дьоммут эбиитин дьоһун хамнастаннылар.
Урукку сылларга баһаар турдаҕына, ол эрэ нэһилиэк дьонун кыһалҕаларын курдук буолара, дьон бэйэлэрин эрэ кыахтарынан баһаары бохсо сатыыллара. Ол биир нэһилиэк олохтоохторо төһө дуоннааҕы кыайыахтарай? Оттон бары саба түһэн ылыстахха, көдьүүстээҕэ чахчы. Онон атын улуустарга аммалар бастыҥ холобуру көрдөрдүбүт дии саныыбын.
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…