Амма энэргиэтиктэрэ байыаннай дьайыыга сылдьар биир идэлээхтэрин оҕолорун эҕэрдэлээтилэр

Саҥа дьыл бырааһынньыгынан энэргиэтиктэр байыаннай дьайыыга сылдьар биир идэлээхтэрин оҕолорун эҕэрдэлээтилэр.

Ол курдук Амматааҕы РЭС үлэһиттэрэ байыаннай дьайыыга сылдьар  бииргэ үлэлиир кэллиэгэлэрин оҕолоругар минньигэс бэлэхтэри, оонньуурдары туттардылар.

Маны таһынан тэрилтэ кылаабынай  инженерэ, Амма нэһилиэгин дьокутаата   Дмитрий Кузнецов  «Елка добра» аһымал аахсыйа иитинэн элбэх оҕолоох Ивановтарга бэлэхтэри итиэннэ хортуоппуй, эт, балык туттартаата диэн «Якутскэнерго» ПАУо телеграм-ханаалыгар суруйдулар.