Хаартыска -- Сардаана Лебедева тиксэриитэ.
Бу күннэргэ Амма улууһугар Өнньүөскэ «Ситим» аҕам саастаахтар лааҕырдарын бастакы сезона үлэтин түмүктээтэ.
Бу туһунан Өнньүөстэн сынньалаҥ киинин салайааччыта Сардаана Лебедева кэпсээтэ:
— Дьокуускайтан, Намтан уонна Мэҥэ Хаҥаластан кэлэн сынньананнар, өрөспүүбүлүкэ таһымнаах буолла. Бэйэбит дойдубутугар тэриллибит лааҕыр саастаах дьон айылгытыгар сөрү-сөп түбэһэр эбит, Араас аралдьытар тэрээһиннэр, сонун сибиэһэй аһылык — 10 хонук устата саастаах дьон бэркэ сынньанан, күннэрин билбэккэ атаардылар.
Дьокуускайтан сылдьар ортопед Полина Иванова, бэрт интэриэһинэй киһи, 11-с сылын Тибет манаахтарыгар үөрэнэр эбит. Эһиил, 12-с сылыгар, диплом ылар. Кини массаастаан эмтээн, илиилэригэр, атахтарыгар эчэйиилээхтэр туһаммыттар аҕай. Маны таһынан, араас талааннаах дьону кытта билсэн, кинилэр көҕүлээн, сынньанааччылар кылыһахха үөрэнэн, олоҥхоһут да, оһуохайдьыт да буолан ыллылар. Улуус дьаһалтатын көҕүлээһининэн лааҕыр салайааччыта Полина Кононова, Амма улууһун бэтэрээннэрин сэбиэтин салайааччыта Мария Захарова тэрийиилэринэн лааҕырын үһүс сылын үлэлиир. Лааҕырга 60-тан саҕалаан, 80-тан тахса саастаах дьон сылдьаллар. Орто саастара — 75 саастан үөһээ.
Аны лааҕыр иккис сезона от ыйын 15 күнүттэн үлэлиэҕэ.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…