Амма өрүс үрдүнэн айан-сырыы болдьоҕун уһаттылар

Амма өрүһү туоруур кыһыҥҥы суол үлэтэ муус устар 17 күнүгэр диэри уһатылынна. Айан-сырыы 10 туоннаҕа ыйааһыҥҥа диэри көҥүллэнэр. Ол туһунан СӨ Тырааныспарга уонна суол хаһаайыстыбатын министиэристибэтигэр иһитиннэрдилэр.

Биэдэмистибэҕэ бэлиэтээбиттэринэн, «Амма» суолунан айан-сырыы хонтуруоллуур бэрэбиэркэ түмүгүнэн муус устар 15 күнүгэр быһаарыы ылылынна, диэн СӨ Ил Дарханын уонна Бырабыыталыстыбатын пресс-сулууспата суруйар.

Санатан эттэххэ, бүгүҥҥүттэн Саха сирин киин улуустарынан өрүс үрдүнэн кыһыҥҥы суоллар сабылыннылар. Тырааныспар бары көрүҥүн сырыыта тохтуур уонна сырыыта бобуллар.