Амма өрүскэ тимирбит киһи өлүгэ көһүннэ

От ыйын 20 күнүгэр Чурапчы улууһун Мындаҕаайы сэлиэнньэтигэр Амма өрүскэ тимирбит киһи өлүгэ бүгүн көһүннэ. Бу туһунан СӨ Быыһыыр сулууспата иһитиннэрэр.

От ыйын 22 күнүгэр ууга тимирбит киһи өлүгүн балыксыттар буллулар. Хатас олохтооҕо, 2002 с.т. эр киһи сөтүөлүү сылдьан, ууга былдьаммытын туһунан иһитиннэрии от ыйын 20 күнүгэр сарсыарда 6 чаас 39 мүнүүтэҕэ киирбит. Бука, кини Амма өрүскэ сынньана, сөтүөлүү бардаҕа…

Бу күннэргэ СӨ Быыһыыр сулууспатын Чурапчытааҕы көрдүүр-быыһыыр этэрээтин икки быыһааччыта уонна олохтоох дьаһалта кыттыһан, көрдүүр үлэни ыыппыттара. Бүгүн эр киһи өлүгэ бэйэтэ дагдайан тахсан кэлбит.