Амма олохтооҕо дьахтары өлөрбүт холуобунай дьыалата суут көрүүтүгэр ыытылынна

Саха сиринээҕи Силиэстийэлиир кэмитиэтин Илин Эҥэр оройуоннар икки ардыларынааҕы отделениета Амма улууһун 48 саастаах олохтооҕо киһини өлөрүүгэ холуобунай дьыалатынан силиэстийэтин түмүктээтэ.

Бу туһунан Саха сиринээҕи Силиэстийэлиир кэмитиэтин пресс-сулууспата суруйар. Силиэстийэ быһаарыытынан, 2024 сыл балаҕан ыйын 15 күнүгэр буруйданааччы уонна кинини кытта бииргэ олорор дьахтар икки ардыларыгар арыгы иһэн баран күнүүлэһэн иирсээн тахсыбыт. Ол түмүгэр эр киһи дьахтары көхсүгэр куукуна быһаҕынан анньыбыт. Дьахтар тутатына миэстэтигэр суорума суолламмыт. Ону таһынан дьүөгэтэ туоһу буоларын көрөн, эр киһи тыллыыр түгэнигэр өлөрөрүнэн куттаабыт. Дьахтар буруйдааҕы уоскуппут, ол кэннэ полицияҕа тыллаабыт. Эр киһи итирик туруктаах сылдьарын буруйу оҥорбут миэстэтигэр туппуттар. Силиэстийэ түмүктэннэ. Холуобунай дьыала суут көрүүтүгэр ыытылынна.