Амма «Сэргэлээх» түөлбэтэ көхтөөх субуотунньугу тэрийдэ

Амма сэлиэнньэтин «Сэргэлээх» түөлбэтин  олохтоохторо муус устар 29 күнүгэр чугастааҕы сирдэригэр-уоттарыгар бөҕү-сыыһы хомуйдулар.

«Уһун унньуктаах кыһын кэнниттэн ханна баҕарар саһан сыппыт бөх-сыыс тахсан кэлэр» диэн санаанан салайтаран Матросов уонна Цыкунов уулуссаларын, М.Скрябин аатынан искибиэр тулатын ыраастаатылар.
«Субуотунньуктары тэрийии тулалыыр эйгэни тупсарыыга уонна харыстабыллаах сыһыаны бөҕөргөтүүгэ олус улахан суолталаах хардыынан буолар. Субуотунньукка кыттыбыт көхтөөх олохтоохторго ис сүрэхпититтэн махтанабыт. Түмсүүлээхпит уонна хардарыта бииргэ үлэлээһиммит биһиги түөлбэбит өссө кыраһыабай уонна дьон-сэргэ тардыһар сирэ буоларыгар көмөлөһөр. Бары бииргэ олус элбэҕи ситиһиэхпитин уонна тулабытыгар ыалдьытымсах эйгэни олохтуохпутун сөп», – дэһэллэр субуотунньук кыттыылаахтара.