Амма суолун аспааллааһыны 2028 с. түмүктүүр былаан баар

«Амма» эрэгийиэннээҕи суолу аспаалынан бүрүйүү 2028 сылга түмүктүүр былаан баар диэн Ил Дархан Айсен Николаев «Прямой разговор» биэрии кэмигэр иһитиннэрдэ.

Бу сылга «Амма» өрөспүүбүлүкэтээҕи трасса суолуттан өссө 10 км аспаалынан бүрүйүөхтэрэ. Былырыын «Куттала суох уонна хаачыстыбалаах суоллар» национальнай бырайыагынан 7 км аспаал ууруллубута.

«Үлэ манан тохтообот, быйыл өссө 10 км аспааллыыр сорук баар. 2028 сылга диэри үлэ түмүктэнэригэр, суол сылы эргиччи сырыылаах буоларыгар эрэнэбин», — диэтэ Ил Дархан Айсен Николаев.