Амма суолун өрөмүөннүөхтэрэ

«Амма» эрэгийиэннээҕи таһымнаах суолу  2024 — 2026 сылларга өрөмүөннүөхтэрэ. Бу туһунан Айсен Николаев Амма улууһугар оробуочай сырыытын кэмигэр иһитиннэрдэ.

«Суолу оҥорооччулар кэмигэр уонна хаачыстыбалаахтык суолу оҥоруохтара диэн бүк эрэллээхпин. 2026 сыл бүтүүтэ Амма олохтоохторо эрэ буолбакка, Мэҥэ Хаҥалас уонна Уус Маайа дьоно-сэргэтэ үчүгэй суолунан айанныыр буолуохтара», — диэтэ Айсен Николаев.

2027 сылга  «Куттала суох уонна хаачыстыбалаах суоллар» национальнай бырайыакка олоҕуран, Саха сиригэр   1 465,3 км уһуннаах эрэгийиэннээҕи таһымнаах суолу нуормаҕа эппиэттиир гына оҥоһуллуохтаах диэн СӨ Ил Дарханын уонна бырабыыталыстыбатын пресс-сулууспата иһитиннэрдэ.