«Амма» суолун учаастагын өрөмүөнэ түмүктэнэр

«Амма» өрөспүүбүлүкэтээҕи суол уон килэмиэтирдээх учаастагын өрөмүөнэ түмүктэнэр түһүмэҕэр чугаһаата. Бу РФ Бэрэсидьиэнэ Владимир Путин көҕүлээһининэн,  «Олоххо аналлаах инфраструктура» национальнай бырайыак чэрчитинэн, олоххо киирэр, диэн www.sakha.gov.ru иһитиннэрэр.

СӨ Суолларын управлениетын иһитиннэриитинэн, бэдэрээччит «РИК Автодор» АУо киэҥ далааһыннаах инженернэй үлэлэри толордо. Ол курдук, саҥа аспаал-бетон бүрүөһүн уурулунна,  тимир гофрированнай турбалары киллэрэн туран, суолу тупсарар саҥа элэмиэннэр туруорулуннулар.

Аспаал ууруллар олоҕун бэлэмнээһиҥҥэ улахан болҕомто уурулунна – буор араҥата тымныы ресайклинг ньыматынан бөҕөргөтүлүннэ. Саҥа бүрүөһүнү ууруу таһынан, 1700 миэтэрэттэн тахса барьернай күрүө, 146 суол бэлиэтэ уонна 195 сигнал остуолбата саҥардылынна.

Суол биэдэмистибэтигэр иһитиннэрбиттэринэн, былырыын Саха сиригэр суол национальнай бырайыагынан эмиэ олоххо киирбит «Амма» суолун аттынааҕы, 148-с килэмиэтириттэн 155-с килэмиэтиригэр диэри учаастагын өрөмүөннүүр бырайыак ситиһиилээхтик түмүктэммитэ. Уопсайынан, 2025 сылга «Олоххо аналлаах инфраструктура» национальнай бырайыак чэрчитинэн өрөспүүбүлүкэҕэ 137,22 км тырааныспар суолун нуормаҕа сөп түбэһэр турукка киллэрэр былааннанар. Онтон 109 килэмиэтирэ – өрөспүүбүлүкэтээҕи суоллар, оттон 15,74 килэмиэтирэ – Дьокуускай куорат уулуссалара уонна суоллара.