Хаартыскаҕа Андрей Сорокин түһэриитэ, СИА
«Амма» ТХПК аска-үөлгэ комплекса былырыын 875 туонна үрүҥ аһы-үөлү астаан, оҥорон таһаарбыт.
Ил Дархан Айсен Николаев бүгүн, олунньу 27 күнүгэр, үлэтинэн Амма улууһугар сылдьар. Кини онно, Чапчылҕаҥҥа, улууска биллэр-көстөр үлэлээх «Амма» ТХПК сырытта. Онно сылдьан үлэни-хамнаһы көрдө, бородууксуйаны оҥорон таһаарыыны интэриэһиргээн ыйыталаста. Кэпэрэтиип бырабылыанньатын бэрэссэдээтэлэ Айсен Черноградскай иһитиннэрбитинэн, былырыын 875 туоннаттан тахса үрүҥ ас арааһын, 156 туонна ынах арыытын, 17,7 туонна эттэн аһы-үөлү, 7 туонна сыыры астаан-үөллээн таһаарбыттар.
Черноградскай олохтоохтор тэрилтэ оҥорон таһаарар аһын-үөлүн хамаҕатык атыылаһалларын бэлиэтиир. Онон кэҥииргэ бэлэмнэнэллэр. Онно анаан дьиэни-уоту саҥалыы уларытан оҥоруу уонна тэрилин саҥардыы ирдэнэр.
Манна анал үөрэхтээх исписэлиистэр үлэлииллэр. Сорохторо атын улуустартан үлэлии кэлбиттэр итиэннэ дьиэ-уот туттарга өйөбүлүнэн туһанан бараннар, улууска олохсуйан хаалбыттар.
«Амма» ТХПК комплекса Чапчылҕаҥҥа 2002 сыллаахтан таас дьиэҕэ үлэлиир. Собуот уопсай иэнэ 653 кв. м. 2007 сыллаахха сыыр астыыр сыаҕар анаан 400 кв. м. иэннээх тутуу сыһыары тутуллубут. Үүт сыаҕар 6 киһи үлэлиир: маастар, лаборант, оператор, икки оробуочай, тех үлэһит, сыыр астыыр сыахха – маастар, лаборант уонна оператор. Тэрилтэҕэ өссө ууну кутан биэрэр сыах баар.
ТХПК 2007 сыллаахха «Амма» атыы-эргиэн киинигэр тэриллибит. Кэпэрэтиип Чапчылҕаҥҥа аһы-үөлү бэлэмниир комплекстаах, үүт тутар 13 пууннаах. Ол иһигэр 8 арыы сыаҕа баар. Биир үүт түһэрэр (сэпэрээтэрдиир) пууннаах, түөрт тутар пууннаах. Маны сэргэ, Абаҕаҕа сүөһүнү өлөрөр 2 пууннаахтар, 200 туонна киирэр булуустаахтар, 2 гараастаахтар, Аммаҕа маҕаһыыннаахтар.
Кэпэрэтиипкэ 77 киһи үлэлиир. 12 тыа хаһаайыстыбатын потребительскэй кэпэрэтиибэ, 51 бааһынай хаһаайыстыба бааллар. «Амма» ТХПК сүрүн үлэтинэн тыа хаһаайыстыбатын бородууксуйатын оҥорон, астаан, бэлэмнээн таһаарыы, атыы-тутуу, нэһилиэнньэҕэ батарыы буолар.
СӨ Ил Дарханын уонна бырабыыталыстыбатын пресс-сулууспата
Хаартыскаҕа Андрей Сорокин түһэриилэрэ, СИА
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…