Амма улууһугар ааспыт сыл күһүнүттэн бөрөлөр элбэх сылгыны тарданнар, улахан хоромньуну таһаарбыттар.
Ол курдук, улууска экология иниспиэктэрэ иһитиннэрбитин “Амма олоҕо” хаһыат суруйар.
«Былыр-былыргыттан икки атахтааҕы кытары илин былдьаһааччыларынан буолаллар этэ. Ол гынан баран, бөрөлөр киһи аһатан-сиэтэн, көрөн-харайан иитэр дьөһөгөйүн аҥардастыы дьаһайаллар, айбардыыллар. 2022 сыл күһүнүттэн 2023 сылга диэри Амма улууһугар хаһаайыстыбалар барыта холбоон 30 сылгыны ардай аһыылаахха былдьаттылар. Билигин Олом Күөл уонна Эмис нэһилиэктэрин учаастактарыгар даҕаны кутталлаах быһыы-майгы баар.
Дьиэ кыылларыгар бөрө саба түһүүтэ элбээбитин бирчиинэтинэн, бултаах сирдэргэ хотугу таба уонна туртас аҕыйаабыта буолар. Бүгүҥҥү күҥҥэ Амма булчуттара 14 бөрөнү, ол иһигэр 8 тыһыны уонна 6 атыыры сууһардылар.
Сорсуннаах булчуттар Сулҕаччыттан Гаврил Христофоров, Болугуртан Георгий Филиппов, Бөтүҥтэн Гаврил Непомнящай, Олом Күөлтэн Егор Кузьмин, Амматтан Евгений Егоров, Чакыртан Пётр Иванов, Абаҕаттан Прокопий Марин, Өнньүөстэн Василий Никитин, Болугуртан Илья Кузьмин бөрөлөрү сууһардылар», — диэн Амма улууһун экологияҕа иниспиэксийэтин салайар Евгений Яковлев кэпсээтэ.
Таатта улууһун дьокутаата, бааһынай хаһаайыстыба салайааччыта, хапсаҕайга “Сахаада-спорт” маастара уонна бэтэрээнэ Сергей Степанович Михайлов XXII Манчаары…
“ВОИН” Киин саайтыгар Аҕа дойду Улуу сэриитин уонна байыаннай дьайыы туһунан документальнай, уус-уран киинэлэрдээх, сериаллардаах,…
От ыйын 4 күнүттэн Дьокуускайга Норуоттар икки ардыларынааҕы VIII киинэ бэстибээлэ саҕаланыаҕа. Бэстибээлгэ Арассыыйа уонна…
Олоҥхо ыһыаҕар волонтер оҕолор ыалдьыттары үөрэ-көтө көрсөллөр, сирдээн, сүбэлээн-амалаан биэрэллэр. Волонтердар бөлөхтөрүн салайар Анастасия Васильева…
Борис Андреев аатынан Элгээйитээҕи Айылҕа түмэлигэр саҥа экспонат баар буолла. Баараҕай бизон кыыл бу күннэргэ…
БЫЛЫЫК ТУОХХА ТУҺАЛААҔЫЙ? Кэмпэндээйи былыыга хап-хара сиппит кирээс буолан олус күүстээх эмп буолар. Кирээс уохтаах…