Хаартыска: СӨ Ил Дарханын уонна Бырабыыталыстыбатын пресс-сулууспата
Болугур сэлиэнньэтигэр саҥа тиэхиньикэ күлүүстэрин үөрүүлээхтик туттарыы тэрээһинэ буолан ааста.
Амма улууһун баһылыга Степан Кузьмин БТЗ-254К.20 уонна «Беларус-1221.3» тиэхиньикэ күлүүстэрин «Болугур» ТХПК бэрэстэбиитэллэригэр туттарда.
БТЗ-254К.20 тиэхиньикэ тыа хаһаайыстыбатын сайыннарыыга «Развитие растениеводства» бырайыак чэрчитинэн лизиҥҥэ олоҕуран атыылаһыллыбыт. Оттон «Беларус-1221.3» тыраахтар «Развитие растениеводства и кормопроизводства» бырагырааманан аҕалыллыбыт.
Степан Кузьмин этэринэн, бу бэлиэ түгэн оройуон аграрийдарын материальнай-тэхиниичэскэй баазаларын бөҕөргөтүүгэ уонна тыа хаһаайыстыбатын оҥорон таһаарыытын сайыннарыытын үрдэтиигэ дьоһун хардыынан буолар.
Амма оройуонугар агробырамыысыланнай комплексы сайыннарыы муниципальнай тус сыаллаах бырагырааматын чэрчитинэн тыа хаһаайыстыбатын оҥорон таһаарааччыларын өйөөһүн үлэтэ көхтөөхтүк бара турарын бэлиэтээтэ. Ол курдук, былырыын бааһынай хаһаайыстыбаларга алта МТЗ-82.1. тыраахтар атыылаһыллыбыт. Субсидия кээмэйэ хас биирдии тиэхиньикэҕэ 1 мөлүйүөн солкуобайга тэҥнэһэр, оттон оройуон бүддьүөтүттэн хос үбүлээһиҥҥэ 6 мөлүйүөн солкуобай көрүллүбүт. Ону кытта «Развитие растениеводства и кормопроизводства» муниципальнай тус сыаллаах бырагыраамаҕа эмиэ ураты болҕомто ууруллар. Бу көҕүлээһин чэрчитинэн быйыл 11 тыа хаһаайыстыбатын тиэхиньикэтэ уопсайа 32 мөл. 363 тыһ. 840 солк. суумаҕа ылыллан түҥэтиллибит.
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын…
Быһылаан Дьокуускайга ахсынньы 20 күнүгэр сарсыарда эрдэ буолбут. Эрдэҕэс саастаах оҕолор икки билбэт киһилэрин кырбаабыттар.…
2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ…
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…