Хаартыска: СИА
Айсен Николаев Амма улууһун Алтаныгар саха биллиилээх мелодиһа Валерий Ноев аатынан «Иэйии» култуура дьиэтин аһыллыытыгар кыттыыны ылла.
Бу иннинэ тыа сирин кулууба 1974 сыллаахха тутуллубут дьиэҕэ үлэлээбитэ. Олохтоох дьону күүтүүлээх түгэниэн эҕэрдэлээн туран, Ил Дархан Айсен Николаев саҥа оборудованиены ыларга сэртипикээт туттарда.
«Өрөспүүбүлүкэ кулууптарыттан биир бастын култуура дьиэтэ мелодист Валерий Власьевич Ноев аатын сүгэр. Амма сирэ Саха сирин киэн туттар аатырбыт толорооччуларынан аатырар. Дьоҕурдаах Амма ыччата төрөөбүт сирдэрин, бүтүн өрөспүүбүлүкэни уруйдаан-айхаллаан иһиллиэхтэрэ диэн эрэнэбин», — диэтэ Айсен Николаев.
Кини култуура эбийиэктэрин тутуута ураты суолталааҕын, тыа сирин бары олохтоохторун тардар миэстэнэн буоларын бэлиэтээтэ. Уопсайа тыһыынчаттан тахса квадратнай миэтэрэ иэннээх икки этээстээх дьиэҕэ 100 миэстэлээх саалалаах, литературнай түмэллээх, артыыстар, административнай хостордоох уонна да атын кабинеттар бааллар.
Култуура дьиэтэ «2020-2025 сылларга тыа сирин кэлимник сайыннарыы» судаарыстыбаннай бырагырааманан тутуллубута. 2024 сыл бүтүүтэ эмиэ ити бырагырааманан Норуот айымньытын дьиэтэ Михайловка дэриэбинэҕэ киллэриллибитэ.
Саха сиригэр култуура тэрилтэлэрин ахсаана сыллата үрдээн иһэр. РФ Бэрэсидьиэнэ Владимир Путин көҕүлээбит «Култуура» национальнай бырайыак чэрчитинэн 2019-2024 сылларга Саха сиригэр 9 култуура дьиэтэ тутуллан, 35 култуура тэрилтэтигэр хапытаалынай өрөмүөн ыытыллыбыт, 41 модельнай бибилэтиэкэ тэриллибит, 35 киин саҥардыллыбыт.
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…