Амма улууһугар быйыл 281 кырачаан оскуола боруогун аан бастаан атыллаата

Бэҕэһээ Амма улууһун оскуолаларыгар Билии күнүн туоһулуур Бастакы чуораан чугдаарда. 

Улуустааҕы дьаһалта пресс-сулууспата иһитиннэрбитинэн,   улуус үрдүнэн оскуола боруогун аан бастаан 281 оҕо атыллаан, билии аартыгын дабайда. Онтон 219 үөрэнээччи 11 кылааска киирэн оскуоланы  түмүктүүр үөрэҕин дьыла саҕаланна. Быйыл барыта 172 оҕо оскуоланы бүтэрэн араас үөрэх кыһаларыгар киирдэ.

Билии күнүн бырааһынньыгын бары нэһилиэктэр үөрэнээччилэрин, учууталларын, төрөппүттэрин  улуус дьаһалтатыттан уонна үөрэх управлениетыттан тиийэн үллэһиннилэр, бэтэрээн педагогтарга, бастыҥ учууталларга, ситиһиилээх үөрэнээччилэргэ наҕараадалары туттардылар.